بالفيديو.. سكان عشش عزبة النخل: رمونا بالشارع وقالوا غوروا في داهية يا نعتقلكم

نفذت محافظة القاهرة حملة موسعة لإزالة العشش الموجودة في منطقة عزبة النخل، ما أدى إلى تشريد أكثر من 400 أسرة بالمنطقة.
وقالت نعمة حسن، واحدة من سكان العشش: «طلعوني من الأوضة على أساس إنهم هيدوني شقة، وبعد كدة قالوا مفيش شقق، قولت لهم مش هطلع، فقالوا إحنا معانا أمر بالضرب هنهد عليكي، والناس لحقوني وطلعوا لي عيالي، معايا عيلين رموني بيهم، ولما لاقيتهم هيهدوا روحت طالعة».
وقال علي عبد الراضي، أحد سكان العشش، «اترمينا في الشارع عشان نرضي الحكومة، ولما اتكلمت مع لواء وقولت له يا باشا فهمني انتو هترمونا في الشارع ولا إيه، اتلموا عليا الظباط وضربوني كلهم، وقالي اللواء يا نعتقلك يا تغور في داهية، أنا اترميت في الشارع إن كانوا يقدروا يموتونا بقى».
كان حي المطرية بدأ إزالة عشش الترعة التوفيقية الواقعة في نطاق الحي أسفل كوبري الشيخ منصور، والذي انهار جزء منه الأسبوع الماضي بعد نشوب حريق في العشش في المنطقة الواقعة بحي المرج.
وقال أحمد فوزي، رئيس حي المطرية، في تصريحات صحفية، الثلاثاء، إنه سيتم نقل 450 أسرة طبقا لآخر حصر للمنطقة في 2011 وتسكينهم بمساكن المؤسسة العقابية التابعة لحي المرج، مُشيرًا إلى أن الإزالة شارك فيها حملة من قوات مديرية الأمن بالقاهرة وشرطة المرافق وحي المطرية.