بحبك.. يا عم عزيز

يا عم عزيز.. لا تقفل بابك على نفسك.. ولا تكتم فى الضلوع ألمك.. أخوك من غير ما نشرحها.. وتوجعنى آهات قلبك.. تعالى ف حضنى هات إيدك.. وقوم صلى صلاة عيدك.. تراتيلك - ترانيمك - أناشيدك.. لا خوف ولا حزن.. أنا فى ضهرك.. وتترحم على الشهداء وأنا هادعى.. لا عمر الغدر كان طبعى.. وسمح ومذهبى شافعى.. وجدى إخناتون جدك.. ويوم العيد هجيب بلالين.. وكحكة من إيدين مادلين.. وأطلع للعيال جنيهين.. عيدية من الجديد نوفى.. ومينا شايل له م الطوفى.. بتاع عيد الضحية اتنين.. يا عم عزيز أنا بحبك.