كلمات ليست كالكلمات

*الست تبقى تسيبى ليفنى.. تدبح عيالنا وفيهم بتفنى.. بعتنالها عشان تسمع نصيحة.. زيارتها لينا كانت فضيحة.. سلامات حميمة وحضن دافى.. واجب ضيافة وضحك صافى.. رجعت بلادها وهى واثقة.. كل الخيوط فى إيديها ماسكة.. وتانى يوم كانت الجريمة.. ضحكت علينا بنت اللئيمة.. صورتنا وحشة ياميت ندامة.. وأقسى الجروح جرح الكرامة.. لما النشامى تضحك عليهم تسيبى ليفنى.
محمد صالح - العجوزة
* من ورا أحداث الزمان بصيت.. شفت إيه ياترى ولاقيت.. شفت بلد جنب بلادى.. عمالة تصرخ وتنادى.. الحقوا بقيت أولادى.. كام جريح وكام شهيد.. دفعوا حياتهم بعزم شديد.. وبحفنة رمل وحجارة.. دى ثورة مليانة جسارة.. عدو احتل عقله اختل.. فاكر أخد القدس شطارة.. وطفل برىء كلنا شفناه بيبكى ويصرخ ياولداه.. جندى جبان مهوش إنسان.. يقتل طفل فى حضن أبوه.. ماتقولوا حاجة ياخلق ياهوه.. على المنظر اللى شفتوه..
الصورة كانت بتتكلم.. واللى شافها لابد اتألم.. ياكل رؤساء وملوك العالم.. لموا الشمل.. ليه مايكونش هناك فى سلام.. قبل ما تبقى بحور من دم.. فى الناحية التانية أنا بصيت.. شفت إيه ياترى ولاقيت.. شفت هناك فى بلاد الغرب.. أهوال ودمار بس مش من الحرب.. دى كلها حاجات طبيعية.. ربك أصله بالمرصاد.. ده بركان وده فيضان وده إعصار.. خلاه الناس هناك فى الغرب.. عايشة حياتهم كرب فى كرب.. ربك أصله بالمرصاد.. ومن ورا أحداث الزمان بصيت.. وبعد ما شفت.. قولت ياريتنى ما كنت رأيت.
أسامة محمد إبراهيم
* السماء تمطر الموت.. والأرض تمطر للسماء الموتى.. الأرض تئد أبناءها وبدماء أبنائها تروى.. الموت يعزف الأحزان.. ومستمعوه الثكلى.. حصدهم حصداً وكان أبناؤه جوعى.. وذابت الألوان.. وكل شىء بالسواد تكسى.. غزة أرض الأحزان.. أفراحها قتلى.. ماتت وأصبحت لحرب الأشقاء مرعى.. أرض العجائب.. اليأس والأمل التقى.. والشمس غربت فى النهاية وشروقها يأبى.
مصطفى جبريل
طالب بكلية الهندسة
mustafagebril@hotmail.com