«مرعى» للقضاة: «انتهزوا الفترة الباقية لىّ فى الوزارة.. هجيب لكم أكتر من اللى بتحلموا بيه»

«انتهزوا الفترة الباقية لىّ فى الوزارة وهيه مش كتير، وأوعدكم إنى هجيب لكم أكتر من اللى بتحلموا بيه، شدوا حيلكم معايا وتعالوا نشتغل مع بعض، ونطور عشان نتشرف كلنا بالانتساب لوزارة العدل» بهذه الكلمات بدأ المستشار ممدوح مرعى، وزير العدل، حديثه لقضاة الأقصر وقنا خلال افتتاحه، أمس، مكتب التوثيق النموذجى بمجمع محاكم الأقصر وزيارته لمحكمة الأقصر.
ورحب الوزير بمطالب القضاة وكل من ينتسبون لوزارة العدل، مؤكداً أنه يقرأ كل رسالة موجهة إليه بنفسه، وأنه ستتم مناقشة هذه المطالب عبر جدول زمنى، ووعد الوزير بحل جميع المشكلات مع نقابة المحامين والخاصة برسوم التقاضى.
وقال أحد القضاة ل«مرعى»: «رغم إنى زعلان منك بس إنت ظاهرة وعملت اللى محدش عمله منذ الستينيات، وياريت تفضل فى الوزارة طول العمر» فرد عليه الوزير قائلاً: «هو مين اللى مش زعلان منى، الناس كلها زعلانة من وزير العدل».