ولاد محمد

اتنين أخوات اختلفوا مين فيهم الكبير
واحد دكتور وعالم والتانى مليونير
جالهم خواجه أحمر لكنه كان مكير
للعالم قال تعالى عندى هتكون خبير
هعمل معهد باسمك وتكون إنت المدير
لو عايز حاجة أكبر بعطيك رتبة سفير
لو عايز كل مالى عليك مش كتير
مقابل بس علمك والعلم شىء خطير
وقال للتانى حاسب إخواتك دول كتير
لو تدى كل واحد يقول أنا فقير
مالك لازم هيخلص لو حتى ألف بير
أنا جى ليك محبة أنا جى ليك نذير
ادينى كل مالك ما تخفش مش هطير
أنا هبنى لك وأعمر والربح لك وفير
وتبقى فوق إخواتك سلطان ولاَّ أمير
بس قبل أى خطوة اسألنى واستشير
اليوم يا ولاد محمد الوضع فيه تغيير
العالم وكل علمه بالمال أصبح أجير
والأجرة من فلوسكم المال عندى أسير
عايزين بقى الخلاصة وكلامى ده تحذير
خلاص بقالى وجود وبقيت عليكو كبير
محمد العدلى