أبو حفيظة في "حدوتة بعد النوم" : كان فيه واد إسمه الشاطر عز

في حلقة اليوم من برنامج "حدوتة بعد النوم" قال أبو حفيظة أن بعض الفنانين والنجوم الذين تزعموا الحركة الفلولية بدأوا في عقد إجتماعات سرية وكانوا على وشك تكوين جمعية عمومية إلا أن هذه الاحتماعات باءت بالفشل بسبب الخلافات حول الشعار فمنهم من أراد أن يكون الشعار "أنا عيّل فلول.. لا عندي إنتماء ولا مسئول" وآخرين طلبوا أن يكون الشعار "أنا فلول ياناس وسعيد فلوليتي ... بكدب وبقول أنا دايما عكس اللي في نيتي"...
وصاحب أبو حفيظة موضوع الحلقة بأغنية تقول كلماتها ...
كان فيه واد إسمه الشاطر عز ... وكمان كان فيه شلة بشوات
خدوا كل الخير خدوا كل العز ... وسابونا إحنا في الهم نبات
وده كله جمال ... ورجل أعمال ... خد منها جبال ... سلطة وأموال ... مش معلومة
وده غالي رخيص ... وده والي خسيس .. نصّصوا تنصيص ... خصخصوا تخصيص.. بقى دي حكومة؟
ويبيعوا بلدنا إيجار أو ملك .. وكأنها عزبة وبينهم شرك ... وده كله عشان ... ماسكتنا زمان... لكن الحق مسيره يبان
كان فيه عصابة ويقولك حزب ... وكمان كان فيه سرقة وعمولات
وفي يوم كان صعب بأمر الشعب .... الحق رجع وراحوا البهواااااااااااات.
وجاوب أبو حفيظة في نهاية البرنامج على سؤال من أحد مشاهديه وهو
ما العلاقة بين حبيب العادلي وعبود الزمر؟
فقال أبو حفيظة العلاقة كانت من 8 شهور علاقة وزير داخلية بمسجون سياسي وكان الوزير ينادي الزمر "يامسجون" وحاليا وبعد أن سجن العادلي فينادي له ياعبود "يازمل".
وتساءل أخر ... ليه مبنسمعش عن القروش اللي كانت في شرم الشيخ لأننا قلقانين وخايفين ننزل البحر؟
فجاوبه أبو حفيظة ... كل القروش اللي كانت في البلد الحيتان جمّعوها وحوّلوها لسويسرا ولندن .. يعني إنزل البحر ومتقلقش ... قال يعني انت مكنتش كده كده بتتاكل من سنين.