بالفيديو..أحمد موسي مهاجما "يوسف الحسينى": مبارك رئيس غصب عنك وانت كنت بتلحس جزمته"

شن الإعلامى أحمد موسى هجوما حادا على الإعلامى يوسف الحسينى، بعد وصف الأخير، بأنه يتميز ب"البجاحة" عقب مخاطبة الرئيس الأسبق مبارك عبر مكالمة تليفونيا ب"سيادة الرئيس". وقال موسي عبر برنامج "على مسئوليتى" المذاع على فضائية "صدى البلد" قائلاً "انا ما فيش على راسى بطحة يا يوسف ولا متعور زيك يا يوسف وانت اخر واحد تتكلم عن الوطنية" وتابع "مبارك كان رئيس غصب عنك وعن أمثالك، وانت كنت بتلحس جزمتة زيك زى أمثالك". واستطرد: " يوسف الحسينى من الناس اللى بتتكلم طول النهار عن زمايله، وهو عارف ان أحمد موسى غايظه، وههو من الناس المتحولة واللى بيدور على سبوبه، وبيضرب أسافين، وأنا فعلا قولت اللى هيقول على ثورة يناير سلمية هديله على قفاه" وتابع" لا انت ولا 20 واحد زيك هتقدروا تخوفوا احمد موسى، واللى هيتطاول عليا مش هسيب حقى، وطالما وصلت لمرحلة الصفاقة وقلة الأدب، مش هخاف من اللى بقوله، وما فيش حد فى البلد يقدر يعلم عليا زى ما انتوا متعلم عليكم، خليك فى برنامجك وما لكش دعوه بيا".