إختفاء صورة مبارك في احتفالات أكتوبر.. أسف ياريس: "قائد القوات الجوية تاية يا ولاد الحلال!"

تسبب وضع علم مصر، في احتفالات الذكر ال41 لانتصارات أكتوبر المجيدة، والتي يحمل صورة الرئيس الراحل محمد أنور السادات والمشير إسماعيل والفريق الشاذلي، إجلالا لدورهم العظيم في حرب أكتوبر المجيدة، إثارة غضب نشطاء التواصل الإجتماعي، المحبين للرئيس الأسبق "المخلوع" محمد حسني مبارك، قائد القوات الجوية في حرب أكتوبر المجيدة، لتجاهلهم وضع صورة الرئيس الأسبق محمد حسني مبارك إكرامًا لدوره العظيم بحرب أكتوبر، حسب قولهم.
وأشارت صفحة "أسف ياريس"، على موقع التواصل الإجتماعي"فيس بوك"، الصورة التي عرضت في الاحتفالية، تحت عنوان "قائد القوات الجوية تايه ياولاد الحلال!".
وكتب كريم محسن على الصفحة عدة نقاط تتلخص في دور الرئيس الأسبق محمد حسني مبارك في حرب أكتوبر المجيدة، قائلًا:-
- طب وبالنسبة لمبارك اللى أستلم سلاح الطيران بدون طيارات وبدون طيارين بعد نكسة 67 وبعدما تم ضرب و تدمير كل طائرات الجيش و تدمير كل مطارتنا اية؟
- طب وبالنسبة لمبارك اللى بنى المطارات وعمل الدشم الخرسانية و الطرق للطائرات العسكرية بعد ما تم تدميرها بالكامل اية؟
- طب وبالنسبة ل مبارك اللى خرج فى سنة واحدة أكتر من 3 دفعات متتالية من الطيارين المقاتلين فى سنة واحدة كاسبقة أولى لم تحدث من قبل فى تاريخ القوات الجوية اية؟
- طب بالنسبة ل مبارك اللى تحدى قرارات الخبراء السوفيتين اللى قالوا للرئيس السادات أن الضربة الجوية هتفشل وهتتسبب فى إنهيار سلاح الطياران وانه مش هتحقق ازيد من 40% من النجاح اية؟
- طب وبالنسبة ل مبارك اللى استخدم فى حرب أكتوبر جميع الطائرات الحربية بل واستخدم كمان طيارات التدريب وركب فيها صواريخ وداخلها الحرب اية؟
- طب وبالنسبة اللى قدر انه يحول هزيمة سلاح الطيران وتحطيم طائراته من هزيمة ونكسة وعار...لإنتصار وفخر وضربة جوية أفقد العدو توازنه اية ؟
- طب وبالنسبة لمبارك اللى قواته الجوية ضربت جميع دفاعات العدو وشلت حركتهم ومهدت للدخول البرى للقوات المسلحة الطريق اية؟
- طب وبالنسبة للسادات اللى قال على الرئيس مبارك انهم فى إسرائيل بيحترموه أوى لأن الدرس كان موجع إية؟
- طب وبالنسبة لمبارك اللى السادات منحه وسام " نجمة سيناء" كأعلى وسام فى القوات المسلحة لتفانيه فى إنجازه وإيجاده فى حرب أكتوبر اية؟
هصدق أن 30 سنة من حكم الرئيس مبارك أختفت فى فجوة الزمن الاغبر اللى عايشين فيه..لكن كمان 32 سنة خدمة فى القوات المسلحة أختفوا هما كمان؟ يعنى كل التاريخ اللى كنا بندرسه ده كان فوتو شوف !
قائد القوات الجوية تايه يا ولاد الحلال..!"، حسب ما أوردته صفحة "أسف ياريس".

‎‎منشور‎ by أنا أسف ياريس‎.‎