سيبك من المشى دوغرى .واللى ماشين على الصراط المستقيم .وأل أيه : عاملين نفسهم شرفا وتعالى ..أنا وأنت نجرب .نرقص شوية .مع الرقصات .والرقاصين..على واحدة .على واحدة ونص .مش مهم .المهم. اننا نبتدى والسلام .حتقولى :بعد ماشاب .ودوه الكتاب ؟حاقولك :يا أخى .يسر ولا تعسر .خلينا نبتدى والسلام .ونحاول .فاذا نجحنا ..فعلى البركة .واذا فشلنا زى كل الفشل .اللى راكبنا .من سا سنا لراسنا .من ساعة ماتولدنا .فيأخى .يكفينا شرف المحاولة حتقولى :وحنهز .أو لا مؤاخذة حنرقص أزاى .والمهنة دى .ليها أصول .وأوانين .أى والله .ومن قبل ده وده .محتاجة ..مواهب ؟حاقولك :ادامنا طريق من أتنين .اما اننا نتفرج ليل ويا نهار .على الفضائيات .وبتوع الفضائيات .وبرامج التوك شو .ومع التركيز .حتكتشف مع أستعداك للرقص .أنك بقيت .رقاص بريمو. شوف معايا مثلا :السياسى اللولبى .اللى كان بيتغزل زمان فى مبارك .ومرات مبارك .وعيال .وشلة مبارك .واللى كان بيقولك :أنه قدر مصر .وشوفه .لما مبارك مشى .قالك أيه .عن مرسى .الراجل .المصلى المؤمن .وهو برده . اللى لعنه هو وجماعته .ولعن سلسفيل أجداده ..لما اطاحوا به بالشلوت !وهو اللى لسه .طالع نازل .وما شاء الله .بيقوم بدوره .فى الرقص .والتمايل .على كل الحبال. والغريبة يا أخى ..أن الناس مصدقاه .أصل الناس .بتنسى والحمد لله !حتقولى :ده أسلوبه. فى الهز والرقص .بلدى بلدى وما بيعجبنيش .خد التانى ..الأعلامى اياه .اللى رقص برشاقة .يحسد عليها .ونال أحترام وتقدير كل الأنظمة .والرؤساء .والمسئولين برده .ولسه الناس مصدقاه .وبتقولك عليه مهنى مهنى ده. .هيكل عصره واوانه ؟!اما اذا ما عجبكش .ده ولا ده .ولا الباقين ..خد من نفسك مثل .وأبتدى من الصفر .رجل عصامى يعنى .وأعمل لنفسك .مدرسة .يتعلم فيها .أجيال من بعدك .بس أحيات ابوك.. ماتنساش .النصايح الدهبية .للهز والرقص .على الحبال .وماتنساش أنك زى المهرج .وزى بهلوان السيرك .ماشى طول الوقت .على طراطيف صوابعك .و على خيط رفيع .والوقعة يا شاطر ..بعمرك كله .وما تنساش ..أن الناس زى .ماقلت لك .بتنسى والحمد لله .واللى كان أمبارح .بيشكر .أوبيذم فى فلان ..هو برده النهاردة .عند الناس .فارس عصره .ووحيد أوانه .وهو:الشريف العفيف الأوحد .فى عصر الكفتة .والفهلوة ..لا مؤاخذة .وما تنساش برده .انك لازم تمارس مهنتك .زى الفنان بالضبط .وحاديك مثل بسيط .خد عندك الرقاصة. لما تنزل الشارع .ببدلة الرقص .الناس حتقول عليها أيه .غير دى: خليعة .ووضيعة بس نفس الرقاصة .لو كانت بنفس بدلة الرقص .وبترقص .الناس مش حيقولوا عليها .غير الفنانة اللولبية. اللى بتتراقص .بعقولهم .وجيوبهم كمان .بس برضاهم والله .فانا اريد منك ان تهز .وان ترقص. ولكن بفن .فلا يكشفك أحد .ولا يلسن عليك فلان .ولا ترتان .فاذا كشفوك قل شر بره وبعيد. وقبضوا عليك .فعذرك موجود .فأنت تهز ..مثلما يفعل أغلب الناس .وأنت ترقص .على كل الحبال .مثلما يتمنى .معظم الناس .وأنت.. فى الأول وفى الأخر. لم تفعل جرما نحاسب عليه .أمام الناس .اللهم أن هزك .ورقصك .أنتقل بك ..من دايرة الفن .لدايرة الأبتذال وهذا ما لا أرجوه لك. فى سعيك الدؤوب .لتكون واحدا ..من الرقاصين العظام ؟
