نادى ضباط الشرطة ما يحدث فى سيناء جعل وزير الداخلية "خارج نطاق الخدمة"

استنكر النقيب هشام صالح المتحدث الاعلامى للنادى العام لضباط الشرطة تخاذل اللواء محمد إبراهيم وزير الداخلية، وعدم وضع خطة لتقليل ومنع ما يحدث فى سيناء من عمليات إغتيال وهجوم مسلح على أكمنة الشرطة ووقوع ضحايا.
وهدد صالح على صفحته على موقع التواصل الإجتماعى "فيس بوك"، أنه إذا لم يتم إتخاذ مواقف جادة ووضع خطة مدروسة لمنع ما يحدث فى سيناء فأن نادى ضباط الشرطة المنتخب سيتخذ إجراءات تصعيدية خلال الأيام القادمة لإنقاذ أرواح زملائهم بعد أن تم إغتيالهم ورصد تحركاتهم وتم خطف 5 أفراد لم يتم العثور عليهم حتى الأن .
وقال صالح فى الرسالة التى وجهها إلى الوزير على صفحته على موقع التواصل الإجتماعى "فيس بوك": لا اعلم ماهى خطة سيادتكم الفتره القادمه لعودة الامن؟؟ ولا اعلم ماهى الاستراتيجيه الجديده التى ستتبعها للانهاء على العقول القياديه العقيمه.. وإنما بحكم المنصب انه يتم الحفاظ على ارواحهم.
ووجه صالح عدة تساؤلات إلى الوزير قال فيه: سيادتك غيرت كام مدير امن ومدير مباحث ومن سبقك ايضا من الوزراء المبجلين قام بهذا التغيير..
كام مره كمين الريسه اتضرب ولسه زى ماهو ماتغيرش فيه اى حاجه..كام مره قطاع الاحراش للامن المركزى اتضرب واتهاجم باشد انواع الاسلحه وبردو زى ماهو ماتغيرش فيه حاجه.. كام مره الضباط تمسك مسجلين هناك فى سيناء والقيادات تؤمر انهم يتفرج عنهم عشان اهلهم ميعملوش مشاكل مع المديريه.. كام خدمه موجوده فى سيناء وكام مره طلعوا ماموريه بجد.. كام شهيد عندنا فى سيناء تم اغتيالهم ورصدهم زى ابو شقره والعميد محمد هانى المفتش واخرهم المقدم ابو العينين ؟؟؟
تابع: سيادتك قلت لاهل "ابوشقره" انك هتسلملهم اللى قتلوه جثث ولحد دلوقتى معرفناش اصلا مين اللى قتله.. مين اللى خطف ال 7 جنود يا سيادة الوزير.. فين الضباط والامين المخطوفين.. فين ادارة الازمه و لجنة السياسات اللى موجوده فى الوزاره..فين سيادتك من كل ده؟
وبلهجة الغضب قال : بعد اذنك مش عايز اسمع موضوع اصل اعمل ايه والجيش مش عارف ايه والامن المركزى مش عارف ايه....انا ماليش دعوه بكل ده...انا اللى اعرفه ان سيادتك وزير واحنا مسئولين منك يعنى المفروض كل ده ميحصلش ولو كان بيحصل لازم واكيد سيادتك تكون سبب انه ميحصلش انما الواضح غير كده!
والاجابه على كل ماسبق هى...خارج نطاق الخدمه
وهدد صالح قائلا: لو المواضيع دى واولها سيناء متحلتش بأسرع وقت.. اكيد احنا كنادى الضباط المنتخب لينا دور ودور كبير وفعال زى ماكنا سبب فى الثوره دى فى إشارة إلى " ثورة 30يوينو".. وده لاننا اكيد هنحافظ على ارواح زمايلنا اللى وثقوا فينا واللى احنا على تواصل دائم معاهم، مضيف أنه بالفعل فى خطوات سيتم اتخاذها للضروره الأيام، وذلك لان الموضوع مش حمل تاخير ..