لقن الفنان المصري أحمد حلمي، أحد جمهوره على صفحته الشخصية بموقع "فيس بوك"، درسًا في السياسة، بعد تعليقه على مباركته لافتتاح قناة السويس الجديدة. وكان أحد معجبين حلمي، قد طالبه بالابتعاد عن السياسة، قائلًا: "ونبي يا حلمي لو دي صفحتك بجد ابعد عن السياسة علشان متكرهناش فيك أنت كمان، قناة سويس جديدة إيه بس". حلمي رد عليه قائلًا: "افتكر يا محمد لو بلدي عملت خط جديد لمترو الأنفاق مثلا يربط نص البلد بستة أكتوبر مثلا، وأنا قولت مبروك علينا المترو الجديد أبقى كده بتكلم في السياسة، لو أنت فاهم إن أنا كده أبقي بتكلم في السياسية يبقى معلش أنت مش عارف يعني إيه سياسة .. متنساش يا محمد إن المصريين اللي أنا باركتلهم دول هما اللي عملوا القناة الجديدة بفلوسهم .. أوعى تنسى .. محدش عمل القناة غير المصريين يا محمد، شكرا". يذكر أن حلمي كان قد هنأ الشعب المصري بافتتاح قناة السويس الجديدة ونشر صورة أول ختم لها وعلق على الصورة، قائلًا: "ختم قناة السويس مبروك لمصر ولناس مصر ولأهل مصر ولولاد مصر ولرجالة مصر ولستات مصر ولشباب مصر ولبنات مصر ولأطفال مصر ولكل اللي بيحب مصر مبروك".