السيسي عن «مذبحة الفرافرة»: الجيش تلقي الضربة بدلا من المصريين

قال الرئيس عبدالفتاح السيسي، إن "حادث الفرافرة الذي راح ضحيته 22 مجندًا وضابطًا، لا يجب أن يهز ثقة المصريين بأنفسهم"
وأضاف السيسي في كلمة وجهها للشعب، الأربعاء، بمناسبة ذكرى ثورة يوليو: "لازم نبقى كده وواثقين إن الواقعة بتاعت الفرافرة، شفت رد الفعل اللي موجود والغعلام تناول الموضوع والرأي العام بص للموضوع إزاي؟، مش عايز لما تحصل وقائع ز ي دي يارب مش يكررها، تتهزوا، تزعلوا تتألموا صحيح، لكن لازم تثقوا في نفسكم والجيش جزء منه، الجيش ده منك أوعى تتهز، قدامنا خيارين يا إما يحصل فينا زي اللي بيحصل في الخارج، أو يتقدم الجيش ويتلقى الضربة بدلا من المصريين، نتقتل إحنا الأول قبل المصريين".
وتابع: "لازم تعرفوا إننا في مواجهة ضخمة ولا أبالغ، وبمنتهى الصدق والأمانة وتعودتوا مني على كده، التحدي اللي عندنا مش اقتصادي ولكن فيه تحدي وجودي، فيه ناس وتخطيط شغاله علشان الدولة مش تستمر، لوحدي وبالحكومة والجيش والشرطة مش كفاية، محدش يقدر يهزم شعب، محدش يقدر يهزم شعب، ويهد دولة فيها شعب واعي ومش هسمح، بقول في كلامي بصوا حوالين منكم، بص على السياق اللي موجود فيه الوطن كله، انظروا لهذا الأمر بصوا له كويس، الهدف منه ايه، وإحنا فين؟".