السيسي: وقود العربية اللي بتتحرك عشان تأمن مظاهرة عبء علينا

_ قال المشير عبد الفتاح السيسي، المرشح الرئاسي، في الجزء الثاني من حواره مع كل من الإعلامي إبراهيم عيسى والإعلامية لميس الحديدي، مساء اليوم، الثلاثاء، على قناتي "سي بي سي"، و"أون تي في"، إن مقدار حجم الدعم في موازنة الدولة يبلغ 200 مليار جنيه، مشيرا إلى أن ذلك يجعلنا نفكر قبل أن نقوم بالتظاهر.
وأضاف: "دعم 200 مليار، فاضل إيه نصرفه على الدولة المصرية، ده يخلينا نقول إننا ماعندناش، البلد بتضيع ووطن مهدد، انتى بتكلميني في التظاهر إزاى، خلوا بالكم، وقود العربية "من الدعم" اللي بتتحرك عشان تأمن مظاهرة عبء علينا".
وتابع: "بمنتهى الوضوح بنتكلم في دين يصل ل 1.7 تريليون جنيه، داخلي وخارجي، ليس مقبول أن نتركه للأجيال القادمة والأحفاد، هل هذا الميراث علشان كده بقول لازم نقفز، مش نتحرك.. أنا شوفت صعايدة في الجيش أرجل ناس وأكثر ناس كرامة وكبرياء الصعايدة تعتمد عليهم وتثق فيهم بشكل كبير جدًا، كنت بشوف ناس بتيجي من بلادها بتشتغل وتقريبا مابتكلش، وبعد 10 سنين تلاقي بقى ليه محل وكيان.. محتاجين نفعلها على طريقة الصعادية وهنفعلها، إحنا قاعدين نعمل ليه ونتكلم ليه، نشتغل ونتحرك ونشقى عشان كله يعيش كويس، مش عاوز أقول كلام".