مع ارتفاع درجات الحرارة "هانى الناظر" يحذر من انتشار مرض" حمو النيل" الجلدى

حذر الدكتور هاني الناظر الرئيس السابق للمركز القومي للبحوث في مصر والطبيب في مجال “الأمراض الجلدية” من انتشار مرض “حمو النيل”، مشيرا إلي بعض إجراءات الوقاية منه.
وقال الناظر من خلال حديث له على على قناة المحور ان “اكثر مشكلة ممكن تواجهنا هذه الايام مع ارتفاع الحرارة والرطوبة هي حاجة بنسميها “حمو النيل ” وده عبارة عن طفح جلدي بيظهر علي هيئة حبيبات حمراء صغيرة وبيكون معاها احساس بحرقان شديد ورغبة في الهرش وتصيب اماكن الرقبة والظهر والصدر والبطن والذراعين للكبار والأطفال”.
وأوضح الناظر أن الوقاية من «حمو النيل» تكون “بالتهوية الجيدة والمستمرة وعدم الجلوس في اماكن مغلقة ومكتومة فترات طويلة وبلاش نشرب شاي وقهوة او اي مشروبات سخنة كثير مع ضرورة لبس ملابس قطنية خفيفة فاتحة اللون وبلاش دهان اي كريمات للجلد وبالنسبة للسيدات بلاش ماكياچ ومستحضرات تجميل كثير اليومين دول مع ضرورة الاستحمام بالماء البارد زي ما قلت لكم قبل كدة وبدون ليفة مرتين لتلات مرات كل يوم وبالنسبة للأطفال الصغار ياريت نحط تحتهم اثناء النوم فوطة كبيرة او بشكير علشان يمتص العرق”.
كما نصح من أصيب ب”الحمو النيل” ب”الاستحمام ماء بارد تلات مرات مع استعمال صابون الجلسرين فقط وبدون ليفة طبعا وبعد الحمام ندهن الجلد بمحلول كلامينا وبلاش نستخدم اي كريمات للعلاج لانها لا تصلح مع العرق وممكن ناخد قرص مضاد للهستامين بعد العشاء علشان نقلل الإحساس بالرغبة في الهرش.. كمان لازم نحرص علي كثرة الخروج باستمرار في الأماكن العامة ولكن بعيدا عن الشمس تماماً”.