عبدالرحيم علي ل"مصر": ارفعي راسك يا عالية

بدأ الكاتب الصحفي عبدالرحيم علي حلقة الليلة من برنامجه الصندوق أسود بقصيدة شعر لمصر من أشعار ناصر رشوان.
حيث قال:
"راسك فوق يا عالية الرأس
إنتى أشرف م اللى داس
إنتى جميلة وإنتى بهية
وإنتى المنصورة المصرية
إمشى ف شوارعها بحرية
وعهد علينا يا ست الناس
نبقى على عيونك حراس
...
كل شهيد دمه يغطيكى
ضى عيون أحمد يفديكى
عادى وجافى
واوعى تخافى
واتعافى
على من يعاديكى
إسندى ضهرى
واقبلى مهرى
ده انا من قهرى
يا حلوه عليكى
لقتل لجلك ميت قناص
...
إنتى نسايم مصر الحرة
يامحليه الدنيا المرة
جرحك جرحى
وفرحك فرحى
ولجلك اضحى
يا أشرف درة
إنزلى تانى
وغنى اغانى
قولى الجانى
خلاص اتعرى
وبشرفى يا مصر لا ينداس"