تعرف على الهدايا المناسبة ببرجك

- العذراء قلبه طيب، الهدية عنده بمعناها مش بقيمتها .
هديتهم: ميدالية او سلسلة محفور عليها اسمه، كتر م الشيكولاتة معاهم، حاجة عملية; ولاعة مثلا
- الميزان وسمعني سلام للحس الجمالي العالي
هديتهم: اي حاجة هاند ميد; سجادة، قماش تريكوه او لوحة م العصر التراللي..او برفان مع ملاحظة لذيذة.
- العقرب يحب النغمات المثيرة للحياة -هز راسك قال يعني فاهم-
هديتهم: محفظة جلد.سودا، بلطو.اسود، شنطة للشغل.سودا..م الآخر راشق ف اي حاجة سودا
- القوس يحب إحساس المغامرة والترحال
هديته: طلعة سفاري، حيوان اليف;هاتله بطريق، سويس نايف، تذكار من دولة نائية; كيلو تفاح امريكاني مثلا.
- الجدي تقليدي كلاسيكي عاشق للأصالة
هديته: طقم صيني مُدهب 24 قطعة، فسحه ف متحف الشمع، اي حاجة حلوة من داماس، كرسي هزاز.
- الدلو يحب اي شيء غريب وفريد من نوعه
هديته: رحلة إلى دجال، تليسكوب، اي حاجة من محل خردوات..
بقولك ايه...اى حاجه مش مفهومه هتهاله !
- الحوت شخصية وهمية حالمة عايشة ف اللالا لاند
هديته: هاتله اي حاجة .. مادام الهدية طالعة م القلب هيحبها فوراً
- الأسد وسمعني سلام للطبقة الأرستقراطية..
هديته: اي هدية تعكس شخصيته خاتم سوليتير، ملابس داخلية برده سوليتير، حفلة مفاجأة، تذكرة سينما.
- السرطان رومانسي وحساس بطبيعته ...
هديته: تقدر تجيبله اي حاجة مع توفير عنصر الرومانسية المتمثل في بوكيه ورد مثلا، اوعزومه ع الأكل ف مكان شاعري.
- الجوزاء خيالهم واسع يحبوا التنويع والإبتكار
هديته: بدلة او بلطو فرو من عند ابو نسمة ،عروسة صغيرة للمكتب، رواية او كتاب شيق.
- الثور كائن بيتوتي رتيب بسيط; يحب الحاجات الصغيرة اللي تحسسك بطعم الدنيا
هديتهم: شيكولاتة ، سلسلة دهب، ساعة ماركة، خنجر سليمان الحلبي.
- الحمل ناس مبتفكرش كتير، واثقين ف نفسهم..يحبوا اي حاجة تعلي الأدرينالين
هديتهم: لفة على موتوسيكل ريس او "عصارة قصب" مُنجزة (اى حاجه تنجز فى الوقت)