حصاوي يتجرع السم

(المواطن الغلبان حسن حصاوي يغشي عليه من حين لآخر، وعندما يفيق لا يفهم ما حدث حوله من تغيرات ولكن أحيانا يجعل من يسمعه هو الذي يغشي عليه).
( حصاوي بالمقهى يحضر نفس الشاب صديق المثقف الذي ما زال مختفيا)
الصديق: أنا قلقت على أستاذي اللي مش سامع عنه أي خبر.. مؤكد فيه جهة قبضت عليه.
حصاوي: تفتكر تكون المباحث؟
الصديق: ليه لأ ؟ وارد جدا.. كل شيء وارد الأيام دي.
حصاوي: ولاّ يكون راح مع اللي راحوا لمعبر رفح عشان يخشوا يدعموا الشعب الفلسطيني
في غزة؟
الصديق: لو كان كده يبقي عفارم عليه.
حصاوي: فعلا الكام نفر من اللي راحوا للمعبر كانوا هيغيروا مسار القضية كلها.
الصديق: ما هو دا كان قصدهم.. لكن السلطات عندنا منعوهم يخشوا غزة.
حصاوي: يمكن خافوا منهم على إسرائيل.
الصديق: تفتكر؟
حصاوي: ما لهاش معني غير كده..وبالذات لأن كان فيهم الراجل اسمه إيه اللي خد في انتخابات مرسي 134ألف صوت..وطلع الأخير.
الصديق: آه. قول بقي أنك بتتريق.
حصاوي: أبدا.. لأنه هو واللي معاه كان يمكن يعملوا اللي مقدرش عليه عبدالناصر.
الصديق: وهو عبدالناصر ماقدرش على إيه؟
حصاوي: طول عمره ما فكر يحارب إسرائيل.
الصديق: عمره ما فكر؟ أمال مين اللي سلح جيشنا مرة واتنين وتلاته؟ مين اللي أعلن أكتر من مرة علنا أنه هيرمي إسرائيل في البحر؟
حصاوي: هو قال فعلا بس ما عملش حاجة من دي.
الصديق: أمال عمل إيه؟
حصاوي: حارب في اليمن وبعدين انسحب وقتل صديق العمر المشير عبدالحكيم عامر.
الصديق (صارخا): إنت بتصدق كلام الخونة والعملاء وأذناب إسرائيل؟
حصاوي والنبي بشويش عليا لحسن بخاف لما بتزعق.. خلاص فهمتك قصدك أن عبدالحكيم عامر كان عميل.
الصديق: أنت اللي عميل لأنك بتردد كلام الإسرائيليين.
حصاوي: والله ما قلت حاجة.. دا ولاد المشير هما اللي قالوا في التليفزيون أن عبدالناصر
قتل أبوهم بالسم. وهما رافعين قضيتين ضد عبد الناصر.
الصديق: يبقوا هما الغلطانين.. دا حقد منهم على عبد الناصر
حصاوي: ليه هو كان فيه عداء بين عبد الناصر وبين المشير؟ يكونش الممثلة برلنتي عبد الحميد وقعت بينهم لما اتجوزت حكيم؟
الصديق: أنت بتهرج.
حصاوي: أنا بحاول أفكر في السبب, مش أكتر.. وحتى في المسلسل اللي كان بيتذاع عبدالناصر قاله صراحة أنه زعلان لأنه أتجوزها.. مع أن صلاح نصر كان عنده
بنات وستات حلوين كتير تحت أمره وأمر المخابرات يعني حكيم ما كنش له
حق يتمسك ببرلنتي بالذات.
الصديق: أنت بتحول القضية ؟ مين اللي حشر الستات في الموضوع ؟
حصاوي: والله ما أنا دا مسلسل صديق العمر.
الصديق: المسلسل بيعرض علاقة عبدالناصر وعبد الحكيم اللي كانوا أكتر من الأخوات.
حصاوي: على أي حال أنا مستني الحلقة الأخيرة عشان أعرف عبدالحكيم هيموت ازاي.
الصديق: زى الناس.. هينتحر.
حصاوي: وينتحر ليه؟ هو كان انهزم قدام إسرائيل؟ بالعكس هو كان رأيه وقتها أنه يتجنب الحرب معاها.. وكان مصر يرجع تاني للجيش زي ما عبد الناصر ما تنحي ورجع
تاني.
الصديق: عبد الناصر كان الرئيس وهو حر أنه يغير وزير الحربية بتاعه.
حصاوي وعبد الحكيم يكسب إيه من الانتحار؟ ولولا أن عبدالناصر أمر باعتقاله كان خرج وفضحه علنا قدام الناس.
الصديق: الناس كانت مع عبد الناصر وبس.
حصاوي: مظبوط وعشان كده. ما كنش فيه مبرر يعتقله.
الصديق: كان هيعمل بلبلة لما الجيش يقف معاه ضد عبدالناصر.
حصاوي: خلاص يبقي عبد الناصر أمر بحقنه بالسم عشان يخلص من المطب ويكمل كفاحه الثوري.
الصديق: ما فيش دليل على الكلام ده.
حصاوي: ده مش كلامي أنا.. دا أهل عبدالحكيم هما اللي رافعين قضية وبيقولوا أنه معاهم المستندات اللي تثبت أنه تعرض للقتل بواسطة السم.
الصديق: بكرة نشوف بقية المسلسل هينتهي علي إيه؟
حصاوي: ما افتكرش هيقولوا أن عبدالحكيم سم نفسه.. حتى لو كانت دي الحقيقة، وما افتكرش أن القضاء هيقول غير كده.
الصديق: عشان إيه بقي؟
حصاوي: (هامسا) أصل الناس لحد دلوقت حتى اللي ضد عبدالناصر يخافوا يقولوا كده
علنا.
الصديق: ناس زى مين ؟
حصاوي: الناس الثوريين اللي زيك أنت والأستاذ بتاعك.
(الصديق يغشى عليه)
لينين الرملي
619
هرش مخ
الأحد 27 يوليو 14
1 الصبر طيب
من المؤكد أن حقيقة موت عبد الحكيم عامر سوف تظهر بجلاء في مطلع القرن الثاني والعشرين ...تراهني!.
17
2 الغريب
في كل حرب بين إسرائيل وحماس يتم إعدام بعض الفلسطينيين بتهمة التجسس لصالح
إسرائيل.ولم يقبض علي أحد من الحكام حتى الآن بنفسه التهمة!.
23
3 الفيلم السخيف
الحرب بين إسرائيل وحماس كالفيلم السخيف المصور بالأبيض والأسود والذي يتكرر إذاعته كل سنتين.ولكن هناك من أدمنوه إلا شعب غزة!.
20
4 السببوبة
تعرض حكام حماس في غزة إلي الإفلاس بعد سد الأنفاق المصرية.. فكان لا بد من
زيادة رواتبهم من جهات أخرى!.
20
5 الثمن
هل هو نجاح ساحق اغتيال جنودنا في الفرافرة بالتزامن مع حرب إسرائيل وحماس؟
أم سيدفع من صنعوه الثمن أضعافا؟!.
19
6 تغير الريح
حماس لا يهمها أن يتغير الريح في مصر فيصبح ضدها وهي تعاني مشاكلها.فحماس
جماعة إرهابية تريد الأرض ..... في سيناء!.
19
7 إسرائيل الغبية
كان علي إسرائيل أن تسامح في قتل جنودها الثلاثة ولا تشن الحرب... بل تنتظر حتى
يفشل مشروع وحدة الضفة وغزة من تلقاء نفسه!.
23