حصاوي الخواف

(المواطن الغلبان حسن حصاوي يغشى عليه من حين لآخر، وعندما يفيق لا يفهم ما حدث حوله من تغيرات ولكن أحيانا يجعل من يسمعه هو الذي يغشى عليه).
(حصاوي بالمقهى يحضر نفس الشاب صديق المثقف الذي ما زال مختفيا)
الصديق شفت عدد البيوت اللي اتهدمت في غزة وصلوا لإيه وعدد القتلى وعدد المصابين؟
حصاوي: طبعا حاجة تحزن.
الصديق : يعني أنت معايا أن دي حرب قذرة؟
حصاوي : طبعا.أصل مرسي العياط لسه ما خدش حكم نهائي.
الصديق: وإيه علاقة مرسي بالحكاية؟.
حصاوي : أنت بقى اللي بطلت تقرا الجرايد أو تسمع الأخبار في التليفزيون.
الصديق : أنا لا أثق في جرايدنا ولا قنواتنا.. ومع ذلك مكتوب إيه؟
حصاوي: مكتوب تصريح من مرسي بأن قيادات حركة حماس لن تقبل المبادرة المصرية بوقف إطلاق النار اللي أطلقها الرئيس السيسي. وقال مرسي، إن هناك فرقا بين ما كنا نقدمه للإخوة الأشقاء في غزه وما تقدمه السلطة الحالية لذلك لم تقبل المبادرة
المصرية.
الصديق والله برافو عليه لأنه يرفض الاستسلام.
حصاوي: طب ودلوقت هيعمل إيه؟
الصديق: لسه مش عارف بس المؤكد أن الوضع مش هيستمر على كده.
حصاوي: فعلا لأن المعزول فتح طاقة الأمل لأنه صرح بأنه سيدعو لغزة أثناء صلاته ويدعو للتبرع من الأشقاء في الخارج لدعم الإخوة في حماس.
الصديق: دا واجب علينا كلنا.
حصاوي: بس هو قال لدعم الإخوة ما قالش دعم الناس المدنيين الغلابة اللي بتقع بيوتهم
ويتقتل أولادهم ويتصابوا، وهما دول اللي بيعانوا من الحرب.. مش تنظيم حماس
واللي زيه.. يعني هما مش خسرانين حاجة.
الصديق: وأنت عايز تنظيم حماس هما اللي يموتوا؟ أمال مين اللي يدافع عن الشعب؟.
حصاوي: بس هما ما قتلوش غير واحد إسرائيلي.مقابل آلاف المقتولين والمصابين.
الصديق: بس التنظيم دا اللي بيدافع عن بقية الناس.
حصاوي: بإمارة إيه؟ هما خدوا الحكم مرة وبعدين بطلوا يعملوا انتخابات بعدها.
الصديق: لكن هما كانوا خلاص هيعملوا وحدة مع منظمة فتح وانتخابات جديدة.
حصاوي: واشمعنى دلوقت يقتلوا تلات إسرائيليين؟ كانوا يستنوا لما يعملوا الوحدة الأول.
الصديق: وإيه الفرق؟
حصاوي: الفرق أنهم عملوا كده عشان يهربوا من الوحدة مع فتح.
الصديق: دا كلام الأعداء.
حصاوي: الأعداء ما كنوش قالوا حاجة.. السبب التاني إن العياط اعترف بأنه كان يرحب بإقامة أهل غزة في سيناء ومدينة العريش وقال بالنص: (فيها إيه لو يقعد أخواتنا في من أهل غزة في سيناء والعريش؟ ليس هناك أي مشكلة وأنا كنت أرحب بذلك ولو كنت موجودا أثناء هذه الاعتداءات لقررت فتح المعبر فورا وأهلا وسهلا بالأشقاء)
الصديق: أمال كنت عايزنا نسيبهم للاعتداءات دي؟
حصاوي : أولا المعابر كانت في عهده مفتوحة أصلا. ثانيا كانت مفتوحة علي حساب الشعب المصري اللي بيعاني من نقص الوقود والكهربا وما بيستفيدش من دعم السلع زى
الحمساوييين.
الصديق: الفلسطينيين دوا أشقاء وكلنا عرب ولا زم نساعد بعضنا.
حصاوي: تقصد الحمساويين مش الغزاويين.. والإخوان عندنا أشقاء بس للإخوان في حماس والمنظمات اللي زيها.. واللي بتحكم شعبها بالحديد والنار.زى الإخوان اللي حكمونا في سنة سودة.
الصديق: ما تغيرش الموضوع.
حصاوي: ما غيرتوش، بدليل أن الإخوان اللي عندهم واللي عندنا لسه بيقاموا الشعب المصرى لحد ما يأخونوه كله.
الصديق : أنت بتجيب الكلام دا منين؟
حصاوي: من المصريين وحتى من الحمساويين اللي بيتمسكوا كل يوم وبيعترفوا أنهم بيفجروا ويقتلوا ويدبحوا في الشعب المصري لأنه انتحب السيسي.
الصديق أنت بتدخل المواضيع في بعض.. دا مالوش علاقة بده.. دى قضية تانيه اسمها قضية فلسطينين يا بني آدم.
حصاوي: آه يعني نحرر فلطسيين الأول وبعدين نبقى نشوف مشاكلنا المتلتلة.. ومع ذلك أنا مش معترض، حضرتك تعمل كتيبة مسلحة اللي عملها البطل أحمد عبد العزيز في
سنة 1948 وتروح تحارب الصهاينة في غزة.
الصديق: وليه لأ؟
حصاوي: وهو حد حايشك؟ بس لعلمك الكتيبة دي مرجعش منها ولا واحد.
الصديق: الجيش بتاعنا هيقف في سكتنا ويمنعنا ندخل غزة.
حصاوي: يعني قصدك نقاوم جيشنا الأول؟
الصديق: مش لازم لكن لازم نوعي الناس الأول.
حصاوي: أنا عندي حل تاني.. نعمل زى ما قال العياط. ندعي على اليهود ربنا يا خدهم.
الصديق: أنت بتهرج.
حصاوي: على العموم ما تزعلش نفسك، التدمير اللي عمله اليهود في غزه خلي كتير من الفلسطينيين يهاجروا ومش لاقين مكان آمن غير أنهم يقفوا علي حدودنا.وكلها كام
يوم ويخشوا يعيشوا معانا.ممكن حضرتك تسيب لهم بيتك؟
(الصديق يغشي عليه)
633
هرش مخ
الأحد 20 يوليو 14
1 بريء يا بيه
السلطات تقبض على نجل مرسي الهارب من حكم قضائي لتدخينه الحشيش، وهذا ظلم لأن الحشيش بريء من أفكارهم!.
17
2 يا تري
نستني ونشوف نهاية مسلسل صديق العمر. يا تري عبد الحكم سم نفسه ولا حد تاني
سمه. وهل هو نفسه من سم عبد الناصر؟!
23
3 السم في العسل
ربما كان معرفة من سم حكيم أو ناصر صعبا. لكن مازال اللغز الكبير هو من الذي
سمم جميع المصريين طيلة هذه العقود!.
22
4 أولويات
القاعدة وداعش وبيت المقدس يفجرون ويقتلون المصريين، وبعدها سينقضون على إسرائيل، لكن بعد أن يتخلصوا منا أولا!.
16
5 نجاح عظيم
نسبة النجاح في مادة الفلسفة في الثانوية العامة تجاوزت 90%. كانوا بيدرسوا أي فلسفة بالضبط؟!
15
6 الريادة
جماعات إرهابية تغتال 14 جنديا وقت الإفطار في تونس.وهذا يثبت للعالم أجمع أننا أول من
بدأنا النهضة الحديثة!.
18
7 لا قدر الله
اختيار شهر رمضان المبارك لقتل ثلاثة في إسرائيل كان عظيما بامتياز لأنه كان يمكن أن يفشل
وبذلك لا يحدث ما حدث في غزة!.
23