الفانوس والأنثى !

من أهم مظاهر الاحتفال بالشهر الكريم (فانوس رمضان) ، مفيش بيت فى مصر إلا لما تلاقى فى فانوس ، تحس كده إنه محبوب الشعب مفيش طفل مش بيطلب الفانوس ، حتى المخطوبة أو المتجوزة أو حتى المرتبطة بتطلب الفانوس.
وطبعاً الفانوس مرتبط أكتر بالأنثى فهى اللى بتطلبه من حبيبها وبتبقى فرحانة لما بيجبلها الفانوس ، فى كيمياء كده مابين الفانوس وأى أنثى ( غير مفهومة على الأطلاق ) وأى شخص مش بيقدر هذه الرغبة المكبوتة داخل حبيته وبيعتبر طالبها دا ( هايفة ) احب أقول له حضرتك من مواليد برج اية ؟! حضرتك حرمت نفسك من أجمل منظر ممكن تشوفه فى حياتك ، جرب كده وهاتلها فانوس ( وانت هاتشوف طفله عندها 10 سنين فرحانة بهدوم العيد ) هاتشوف فرحة طفلة بأول يوم أجازة ليها من المدرسة ).
من الآخر فرح قلبها وهات لها فانوس وانت اللى هاتفرح قبل منها لما تشوفها فرحانة ( جرب ) اعتبرها بنتك يا أخى!