الهس الانتخابي

اسكت يا لسانى اهمد يا دماغى..معقول يعنى مش هاقدر التزم باسمه ايه ده اللي اسمه الصمت الانتخابي..وماللو لما اسكت واتكتم كمان ويبقى اسمه على لسانى وابلعه واقول التزمى وخليكى شاطرة...طيب هو الصامت ده الاخرس يعنى ممكن يشاور..يعنى أأبأأأأأأأأأأأبااااااااااا أأاااااااا انااااااااااا هأنتخب...لا لا مايصحش لازم اصمت واصمت واصمت...هو عيب عينى انتم طبعا عارفين من غير ماتكلم أن اللي عليه القصد والنيه هو الحليوة اللي مجننى..هو القلب الكبير..هو اللى طرد اللي ماتسماش..ولبس اللى مايتسموش طرح... وقام جاى كده ووقف وقال بيان ،،رفرف القلب وقاله اعد ياباشا وقول كمان .
انا صامته اهوو لا قلت نزلناااااا بكلمه وفطرنا في الشارع نهيص ونرقص ونقوله فوضناااااااه فوضناه
انا صامته اهوو بوشوشنى لا قلت انتخبوه أو انزلوا وانصفوه هو انا باقول على مين لما اقول انزلو للبطل ؟
هو انا لما اقول انتخبوا اللي لما ناديتم لبى الندا عارفين انا اقصد مين؟
هو لما اقول انزلوا وصوتكم اللي قال لأمريكا عينك حمرا وعليكى وعلى قطر قطران ومعاكم اردوغان هاتعرفوا باتكلم على مين؟؟
هو انا لما اقول صوتى للناجح أبو وش سمح الفاهم العاقل أبو ضحكه ترد الروح اللي راعب الارهابين وملبسهم نقاب وملايه لف ومنهم اللي صبغ وعمل فيها دوجلاس والواد الفلته فيهم هرب بالليل والدنيا ضلمه..يبقا انتم عرفتم باقول على مين؟
اكيد طبعااااااااا ماعرفتووووش وللا عرفتم ؟؟
ايوه هوه خليها في سرك احنا في الهس الانتخابي .