آمال ماهر من قمة الرومانسية لراحة التخطي في ألبوم "حاجة غير"

تعود النجمة آمال ماهر لجمهورها بألبوم غنائي جديد بعنوان "حاجة غير" يتكون من 10 أغنيات عبرت خلالهم برومانسية عن فرحتها بشعور الحب، ثم صدمتها بالفراق، إلى أن حظيت براحة تخطي الأزمة.
واستطاعت آمال أن تتصدر "التريند" في قائمة الفيديوهات على موقع "يوتيوب" بمعظم أغاني ألبومها الجديد "حاجة غير" الذي تعاونت خلاله مع مجموعة كبيرة من أبرز الملحنين والشعراء والموزعين، نرصد خلال التقرير التالي مشوار آمال من ربيع الحب لشمس التخطي:
حب حياتها
وجدت آمال حب حياتها في أغنية "اتراضيت" من كلمات الشاعر أحمد المالكي، وألحان عمرو الشاذلي، وتوزيع عمرو الخولي، وميكس وماستر عمرو الخضري.
وعبرت عن سعادتها بشعور الحب وقالت:"خدت كل الحب منك واتراضيت
أصل حظ الدنيا كله
في الحياة خدته وزيادة
واللي غايب عمري كله
جالي على هيئة سعادة
والسعادة عبارة عنك
لما جيت
خدت كل الحب منك واتراضيت
قبل منك كنت بسأل".
وتتغزل آمال في حبيبها بأغنية "حاجة غير" من كلمات نادر عبد الله، ألحان أحمد إبراهيم، توزيع شريف مكاوى.
وتؤكد اختلافه عن أي شخص مر في حياتها وتقول:"فيك حاجة غير وفيك 100 حاجة متصدّقة
لمّا اتقابلت بيك كلّ اللّي ضاع اتلقى
بالسّرعة دي وليه من الدّنيا دي خدتني
آه طب كمّان في إيه بعدين هيحصل بقى
فيك حاجة غير حبّيبي فيك حاجة غير
دي الأيّام وأنت فيها أنا بخير
وفيك حاجة غير حبّيبي فيك حاجة غيرك
دي الأيّام وأنت فيها أنا بخير".
وتطير آمال من الحب في أغنية "رقم واحد" من كلمات نادر عبد الله، ألحان أحمد زعيم، توزيع أحمد أمين، ميكس وماستر أمير محروس.
وتقول:"بعيش فترة في حياتي كنت أنا نسيتها
بإحساس بنت فرحانة بأنوثتها
تبان واثقة وجواها طايشة ومراهقة
في تفكيرها ومشاعرها اللي حستها
مع حبيبي لقيتني رجعت من تاني
بغير شكل تسريحتي وفستاني
بجدد حتى لون شعري وبرفاني
وبتمرد على الوحدة وحبستها".
وتصل إلى إعلان خبر زفافها والظهور بفستان فرح أبيض لأول مرة في كليب أغنية "خبر عاجل" من كلمات أيمن بهجت قمر وألحان مدين وتوزيع وميكس وماستر توما.
وجاءت كلمات الأغنية كالتالي:
مبروك يا بنات فيه خبر عاجل
اه ده قصده عليا
وانا بعد الصبر لقيت راجل
وملالي عينيا
وظهر لي اهه بطل الحدوته
خلاني بقيت بيه مربوطه
وقفت حياتي عليه
هيصوا وارقصوا ادي صاحبتكم مبسوطه معاه
واللي هيقرصني يحصلني يا فرحته يا هناه".

صدمة وأحلام وردية تتهاوى
تصدم آمال في حبيبها وأحلامها الوردية تتهاوى وتقرر التمرد على الوضع الحالي في أغنية "مضمونة" من كلمات أحمد المالكي وألحان مدين وتوزيع وميكس يحيى يوسف.

وتقول:"طول ما أنت عارف إني باقية لك
وقت ما تنده ليا جاية لك
طول ما أنت حاسس إني مضمونة
هتبيع كتير وهتشتري فيا
أيوه في حياتك أبقى منسية
واحدة وخلاص على الرف مركونة
..لازم تخاف أنك في يوم تناديني ما تلاقينيش".
أيضا ترفض آمال إملاء الشروط عليها وقلب الترابيزة وقت إنهاء العلاقة في أغنية "يا جبروتك" من كلمات عليم، ألحان إسلام رفعت، توزيع ومكس وماستر إلهامي دهيمة وأحمد حسام، وتقول:"يا جبروتك
كمان فارض شروطك
طب خد معاك كل اللي قلته
وما اسمعش صوتك
يا أنانيتك
دوست على زرار لغيتك
لأ بعتك إيه مين اللي قال
من الأصل إني اشتريتك".
وتتعرض آمال لاكتئاب بعد انتهاء العلاقة وتعبر عنه في أغنية "لو لينا عمر" كلمات نادر عبد الله، ألحان محمدي، توزيع مادي.


وتقول:"لو لينا عمر وشفتك تاني هبقى أحكيلك
إزاي بعدك حاسة بكسرة نفس وضيقة
واقفة مكاني بعد ما بطّلت إني أمشيلك
والأيام شايفاها مملة وماشية بطيئة".
وتوجه رسالة لحبيبها السابق بعد الفراق في أغنية "عقدة حياته" من كلمات نادر عبد الله وألحان نور عز العرب وتوزيع على شاكر.
وتقول:"لسه أنا عقدة حياته اللي ماتفكتش لسه
واللي تعباه من زمان
حب يرجع بس كان الوقت فاتوا
حب ينساني بس افتكرني اكتر كمان
لسه أنا أكبر خسايره
بس مش قاصدة أن أعايره
ولا أضايقه بكلمتين
عادي جدًا لو يشوف كان فين معايا
يكتئب لو شاف بقى من غيري فين
أنا فرصة عمره اللي خسرها".
وتمر بلحظات ضعف وندم وتعبر عنها في أغنية "نسيت اسمي" من كلمات نادر عبد الله، ألحان مدين، توزيع أحمد إبراهيم، ميكس وماستر أمير محروس.
وتقول:"نسيت اسمي نسيت كنت في حياتك ايه نسيت شكلي وبتشبه عليا كمان
خدتك الدنيا سبتها مني تاخدك ليه
كأنك كنت متلكك على النسيان
معايا إزاي بتتصرف بلا مبالاة
وقادر عادي من بعد تعيش في هدوء
يا بني آدم طب أزعل على اللي عشناه سوا
بدل ما أنت بتتعامل بقلة ذوق".

تشرق شمس التخطي
وتشرق شمس التخطي وتقرر آمال أن تعيد حساباتها بعد تجاوز الأزمة في أغنية "ليه سكتوا" من كلمات نادر عبد الله، وألحان أحمد الزعيم، وتوزيع عمرو عبد الفتاح.
وتقول:"لما جيت أنا، ليه سكتوا؟
واتخطفتوا واتخدتوا، واتكسفتوا
وخفتوا مني، وادّاريتوا؟
وقت ضعفي، عشان قدرتوا
ليه بوجعي زمان تاجرتوا؟".