بعد حكم حبسه 6 أشهر.. مؤدو المهرجانات يدعمون عصام صاصا

وجه مؤدي المهرجانات رسائل دعم إلى عصام صاصا عبر حساباتهم الرسمية على مواقع التواصل الاجتماعي، بعد صدور حكم بحبسه 6 أشهر بتهمة تعاطي المخدرات.
عنبة يدعم عصام صاصا
شارك مؤدي المهرجانات عنبة عبر استوري إنستجرام، رسالة دعم إلى عصام صاصا وقال: "حزين حزن الدنيا عليك يا أخويا، ربنا يهون عليك"، كما نشر صورة أخرى جمعته مع عصام صاصا، وعلق عليها قائلًا: "ياه على الدنيا، الناس نسيت إن عصام صاصا فرحهم كتير ومع أول غلط وغصب عنه باعوه، وأنا محلتيش غير الدعاء ليك يا أخويا وفي ضهرك طول العمر".
مسلم ل عصام صاصا: ربنا يرجعك لبيتك
وكتب مطرب المهرجانات مسلم، عبر ستوري حسابه الرسمي بموقع إنستجرام: مشفتكش غير مرة واحدة ومكنتش أعرف حب الناس ده كله ليك، واكيد اللي ربنا يوقف ليه الناس دي كلها أكيد ربنا بيحبه، ربنا يرجعك لبيتك وأهلك سالم يا حبيبي وربنا يصبر أهل المتوفي".
حسن شاكوش و حمو بيكا يوجهان رسالة مؤثرة إلى عصام صاصا
ودعم حسن شاكوش، عصام صاصا، وكتب عبر حسابه بموقع إنستجرام: ربنا يهونها عليك يا حبيبي، اللي بيحبه يدعى له هو طيب وابن حلال، ربنا يرجعه لأهله وابنه بالسلامة يا رب".
بينما كتب حمو بيكا عبر حسابه الرسمي بموقع إنستجرام: "ربنا يفكها عليك يارب أجدع خلق الله، ربنا يهونها عليك يا أبو رحيم".
وفي هذا السياق، قضت محكمة جنايات الجيزة، بمعاقبة عصام صاصا، بالحبس 6 أشهر، في اتهامه بتعاطي المخدرات، وانقضاء الدعوى الجنائية والمدنية، في اتهامه بدهس مواطن والتسبب في وفاته.