ضربة قلم .. (السقطاوي)

من غير ما نتكلم كتير
الاسم شيخ وبتاع فتاوي
لكن الحقيقه تاجر كبير
والدين ستاره للبلاوي
ومش كتير ده قليل عليه
أنسب عليه لفظ السقطاوي..
أنا مش هاخاف أقول ده مين، علشان ده يوسف القرضاوي
شيخ مصري عاش عمر في قطر
جنسيّة في جواز السفر..
لكن الحقيقة دي كلمة بس عالورق
وبفعله عرّف ده وبدأ، وساب بلاده في الخطر، وماكفّاهوش .. في الشده شعلل في النفوس
وماهمّهوش، علشان ولاؤه فلوس قطر..
باع بالرخيص .. والأهل والناس والعشيرة ده كان طريق لغرضه
وقناة الجزيرة كانت سلاحه.. .وبدأ يخطي كتير حدود، تفكيره بقى زي اليهود
شاف مصر مطمع أو غرض ..
يفرق فى أيه مش الصهاينة،
أعداء لجيشنا وأرضنا.. ودم جندي أو شهيد رخيص ما دام كان منّنا
وهو غرضه يبيع فى أرضه .. وبرضه حلل دمنّا
وجندي بلده ماصانش عرضه وده كله يرضي ربنا؟..
جاوب يا شيخنا ..
مش دم المسلم على المسلم حرام؟ ولّا انت مسلم واحنا اللّي كفرة وعبيد أوثان
ولّا عشان مش الأخوان ..؟!!
جاوب يا شيخنا ..
قريت زمان كتب التاريخ ؟ ذاكر تاريخنا أقباط ودين إسلام حنيف..
يعني احنا عشنا كلنا إيد واحدة علشان مصريين..
يعنى ماتفكرش تنجح لو مهما كانت فتنتك.. مادام احنا عايشين مش هنسمح.. ما خلاص عقولنا فهمتك..
احنا مش هيفرّقنا فكرك.. عشان احنا عارفين كدبتك ..
خلّيك بجد انت في قطر.. ومالكش دعوة بأرض مصر
احنا اللي عاشقين بالنظر .. نشوف ترابها في كل عصر
راضيين سكنها وبالبيوت.. لكن انت خليك في كل قصر...
علشان كده بضربة قلم.. هنسيبك انت للحكَم..
وأنا قلت رأيي وحرة فيه .. علشان أنا صاحبة قلم ..