ضربة قلم .. ( أبو الجموح )

منغير مانتكلم كتير ، مين فينا معرفش الوضوح ، أول ما شوفناه كلنا ، قولنا خلاص أبو الفتوح
واحنا عشان ناس طيبين ، شوفناه وقمنا مسلّمين ، وشبابنا قام لقى نفسه فاضى ، راح عنده راضى ، وطلب يعلق فى الصور وشمال يمين .. ولاعرفوا مين !
بس الحقيقه الراجل ده بجد هاص ، الحملة كانت فيها باص ، ركبوه الولاد وشافوا الأمل فى كلام كتير زى العسل.. قالوا وخلاص ، خيّال ورمزه حصان طموح ، وفجأة بقه أبو الجموح.
شكرا كده طب أنت مين ؟ طب أنت إخوان مسلمين ، قال لأ .. سنين عدت زمان، دلوقتى أنا مش م الأخوان ، طيب ياسيدى متشكرين ..
أنا بس معلش الغلاسه ، عندى سؤال واخده الحماسه ، هو انت ليه بعد الرياسه شفناك كتير ؟
أيدك فى أيد خيرت .. بديع ، عارف فظيع ، إحساس أليم مفيهوش أمانة ؟، لما قبلت تكون لئيم ..
بصراحه جايز لو هبوح ، بكلام كتير هقول طموح ، كان نفسك انت يا ابو الفتوح ، تكون رئيس!
لكن بجد ده شئ خسيس ، لمّا تدارى فى يوم حقيقتك ، وان انت إخوان مسلمين ..
بس الحقيقه كله انكشف والوش بان ، وجيكا لما مات كمان ، منزلتش انت فى يوم ميدان
عارف بجد ، ساعتها ممكن أفتخر قوى بالجموح ، وقول ياريتك كنت ريس يا ابو الفتوح.
لوكنت قولت بحس عالى وصوت مفتوح ..
إن اللّى ماتوا فى الاتحاديه ، معملوش مبارك فى القضية .. وانّك يا مرسي سيبت بره القصر ناس ، شباب كتير من أهل مصر غاليين عزاز ، واقفين يحاربوا ويدبّحوا وده كله ليه ؟
عارف ساعتها سكت ليه ؟ علشان ولائك للّى كنت منّهم ، أهل وعشيرة زيهم ، لكن احنا مين ؟
أحنا اللى رايح عمرهم ....طول السنين...والدم أرخص منكم !
علشان كده بضربة قلم ، هنسيبك أنت للحكم ، وانا قولت رأيى وحرّه فيه ، علشان أنا صاحبة قلم.