الأمن يفحص فيديو تحرش شخص بطالبة في أتوبيس بالمعادي

تفحصت الأجهزة الأمنية بمديرية أمن القاهرة، فيديو نُشر على مواقع التواصل الاجتماعي، بشأن فتاة تتهم شخص بالتحرش بها بمنطقة المعادي.
ونشرت طالبة تدعى كنزي وائل 18 عاما، فيديو علي موقع التواصل الاجتماعي إنستجرام، اتهمت فيه أحد الأشخاص الأشخاص بالتحرش بها.
وأوضحت أن المتحرش لمس مناطق حساسة في جسدها، وذلك أثناء استقلالها أتوبيس بمنطقة المعادي، وعند استغاثتها تمكن الركاب من الإمساك به، وتقدمت الفتاة بتحرير محضر إلى قسم شرطة المعادي، حمل رقم 16696.
وخلال الفيديو قالت كنزي وائل الطالبة في كلية الإعلام: "كنت راجعة من التمرين بمنطقة زهراء المعادي، وأثناء جلوسي في أحد المقاعد داخل الأتوبيس، فوجئت بشخص يقوم بتصرفات غريبة، سبت الكرسي اللي كنت عليه، وطلعت في كرسي قدام، لقيته جه ورايا".
وأضافت خلال الفيديو: "بعد ما قعدت على الكرسي، قعد ورايا ودخل إيده من جنب الكرسي وحطها على جسمي، ولمس منطقة حساسة، ولما زعقتله، الركاب في الأتوبيس مسكوه وضربوه، وقعد يبرر أنه راجل كبير ومعملش حاجة".
وتابعت: "الناس اتلموا عليه فيه ناس ربنا بجد يكرمها ماسبهوش ودافعوا عني وفي ناس دافعوا عنه وقالولي حرام تجيبي البوليس ومتظلميهوش دا راجل كبير هيعمل كده ليه طيب معلش".
وواصلت حديثها: "لو أنا فعلا ظالمة الراجل جري ليه ووقف كده وأصلا أنا شايفة وحاسة بإيده القذرة دي هظلمه في إيه وخصوصا الأتوبيس معظمه فاضي ومحدش قاعد ورايا غيره والناس اللي بتقول أصل لبسها أصل مش عارف إيه أنا مغطية كل جسمي لابسة جاكت طويل وبنطلون وبرضه دا مش مبرر للتحرش" .
واختتمت حديثها: "وأنا والله مش هقول غير حسبي الله ونعم الوكيل، الراجل ده لازم يتعاقب ومحدش يسكت عن التحرش لأنه ده من أكتر الحاجات المؤذية نفسيا، أنا مش عايزة غير إن الراجل ده يتحاسب وأنا للأسف مكنتش في وعيي ملحقتش أصور حاجة، أنا صورته بعد ما هو راح القسم، مؤكدة أنها قامت بتحرير محضر له في قسم المعادي يحمل رقم 16696 ".