بسبب تدوينة.. خلاف شديد بين السيناريست محمد صلاح العزب والمخرج أحمد خالد أمين

نشبت خلال الساعات القليلة الماضية مشادة كبيرة بين المخرج أحمد خالد خالد امين والسيناريست محمد صلاح العزب ، وذلك عبر صفحاتهما على موقع التواصل الاجتماعي "فيس بوك" ، واشتدت الأزمة بينهما بسبب تدوينة كان قد نشرها السيناريست محمد صلاح العزب ، والتي يقول خلالها : "لازم الواحد يعترف إن أي إنسان طيب وجميل وابن ناس وذوق ومتربي وعنده ضمير ورحمة وأمانة وبيحترم الناس وبيخاف من ربنا بيواجه مشاكل حقيقية في حياته بسبب الحاجات دي ، بس ربنا كبير" .
وعقب نشر هذه التدوينة قام المخرج احمد خالد أمين باعادة نشرها مرة اخرى على صفحته الخاصة ، بعد أن علق "أمين" على التدوينة التي نشرها "العزب" قائلاً : "هسرقها" ، وطلب العزب منه "شير" للتدوينة ، ولكن هذا لم يحدث ، حيث نشرها "أمين" وتلقى بعدها تعليقات عديدة من رواد صفحته وكأنها تدوينة من بنات أفكاره .
الأزمة مستمرة بسبب "تدوينة"
لم يقف الامر عند هذا الحد ، حيث قام السيناريست محمد صلاح العزب بنشر تدوينة مطولة قال فيها : " طيب دلوقتي صديقي المخرج أحمد خالد أمين لقاني كاتب بوست عجبه ، فدخل عندي في التعليقات وقالي أنا هسرقه فقلت له شيره ، فهو طنش وخده وحطه عنده كإنه من بنات وصبيان أفكاره ، وبدأ يستقبل تعليقات الناس على عبقرية البوست بكل أريحية وقلوب وحب وحركات ، فأنا عاوز أسأله هو لما تيجي من الناس القريبين مفروض نعمل إيه يا أبو حميد" .
وتطور الامر أكثر فقام السيناريست محمد صلاح العزب منذ قليل بكتابة تدوينة اخرى قال فيها : "امبارح كان يوم عجيب جدا بالنسبالي.. عشان الواحد بيفترض إن الناس بتفكر من دماغها عادي ، هو تقريبا أنا أول مرة أدخل في حاجة من النوع ده بس عشان الزيطة مفروض يبقى ليها كبير ، امبارح كتبت بوست على الفيس بوك الصبح فدخل عندي مواطن المفروض إنه مخرج وكتب لي بتناحة في التعليقات أنا هسرقه.. والنوع ده من التناحة الواحد متعود عليه فقلت له شيره.. لحد هنا الموضوع عادي.. لقيته سرقه فعلا وحطه على صفحته باسمه فأنا بتعامل مع النوع ده من البني آدمين على إنه بيبقى إنسان محدود أو فاشل أو معندوش تحقق في شغله أو في حياته أو عنده مشاكل نفسية أو تعبان في دماغه فطنشت.. خصوصا إني مش فاضي للأشكال دي." .
وأضاف العزب : "لكن استفزني إن الناس بتدخل عنده تقوله كلامك جميل.. وانت صح.. وهو عمال يستقبل الكلام ده بمنتهى النطاعة ومبسوط قوي ، فأنا عملت بوست حاولت فيه ألطف اللهجة على قد ما أقدر مراعاة لفكرة الزمالة عشان أقوله احترم نفسك، بس لأن واضح إن مخه راكب في حتة تانية غير دماغه، لقيته زعلان قوي، وبدأ يرد ردود سمجة زيه ويقول ما أنا قلت لك هسرقه، وإن ده مش ديوان شعر، فأنا هسرقه عادي.. وإن أنا اللي غلطان وفاضي عشان قلت له متسرقوش ، وبدأ الزبون يستخف دمه ويعمل فيها الحرامي اللطيف ويهبل ف الكلام." .
وتابع العزب : "عشان كده أنا عاوز أرد عليه بطريقته وأقوله عندك حق البوست مش عظيم ولا حاجة بس أنا لو طرطرت في كوباية وسرقت طرطرتي دي وقعدت تستخف دمك ههينك وههزقك عادي جدا ومعايا كل الحق ، وانت بتقول إنك مش تافه عشان تحط اسمك على كلام حد تاني؟؟!!.. لأ يا حبيبي انت تافه معتمد.. وصفحتك كلها بوستات مسروقة من اليمين والشمال ، وانت تصنيفك شخص دماغه فاضية وتعبانة لدرجة إنه مش عارف يكتب بوست فيس بوك فبيسرق أي كلام أهبل ويحطه باسمه.. ودي قمة البؤس الإنساني يا ابني والله ، ده انت بتنقش البوستات بأخطائها الإملائية ياض ، وكانت حركة عبيطة قوي إنك دخلت امبارح مسحت شوية بوستات مسروقة ومنشنت بعض اصحاب البوستات التانية بس هتروح فين ده الأكاونت كله كده من ساعة ما ربنا خلقه" .
ونشر السيناريست محمد صلاح العزب بعض بوستات المخرج أحمد خالد أمين وعلق عليها قائلاً : "ودول شوية نماذج كده للبوستات التافهة اللي بتسرقها يا اللي مش تافه." .
من جانبه اكتفى المخرج احمد خالد أمين بالرد بتدوينة مقتضبة قال فيها : "حقيقي الكلام بيبين اد ايه مستواك فعلا مش هرد علي الحقاره دي" .

المخرج أحمد خالد أمين 80 83