خناقة بين "نجل المشير" و "مؤيد السيسي" بسبب تأييد أحدهما لمرسي

اندلعت مشادة حامية الوطيس بين الدكتور عمرو عبد الحكيم - نجل المشير عبد الحكيم عامر - والدكتور خالد رفعت - الأكاديمي المؤيد للرئيس والدولة المصرية على خلفية اتهام الأول للثاني بتأييد الرئيس الأسبق محمد مرسي إبان حكمه .
ونشر "عامر" تدوينات نسبها ل"رفعت" يشيد فيها الأخير بالإخوان وينتقد خروج المظاهرات ضدهم ، إذ يقول في إحداها: "الإخوان جماعة مغلقة يعني الترقي فيها يتطلب سنوات من الفحص والمراقبة بعد الانضمام لذلك يتم انتقاء القيادات جيدًا ، فلم نسمع أبدًا عن إخوانجي حرامي أو مرتشي ".
ويقول في واحدة أخرى: "لماذا يهاجم البعض الإسلاميين كل هذا الهجوم مع أنهم لم يحكموا بعد ولم يفعلوا شيئًا بعد ، في حين سكتوا على نظم فاسدة دمرت حياتهم لعقود طويلة".
وعلّق عمرو عبد الحكيم على تلك التدوينات قائلًا: "السيد المحترم خاالد رفعت...سكتنا كتير اوى .#المجد_للارشيف ..كم أكاذيب مهول و شغل سم فى عسل و 3 بوستات هدم و وواحد تحيا مصر و نحط مبارك فى كلمتيين حلويين علشان الفانز يتلموا لكن نحاسب بقى
- طارق عامر خريج آداب ..كدب و هوا خريج جامعة أمريكيه اقتصاد و إدارة.
.
- حباره مراته حامل و حصل اتصال جنسى فى السجن .كلام فارغ و تم نفيه و تم اتخاذه ذريعة للهجوم على الشرطة.
- الدفاع عن النائبة بتاعت البرلمان و الهجوم عن الشرطة و اختشى النايبة رايحه تتخانق مع الضباط علشان تطلع ابن اختها اللى ضارب واحد مطواه فى بطنه
- طارق عامر فى شهر عسل و تريقة .طلع بيعمل عملية دقيقه فى الحوض و عضمة الفخد
- طبعاا عمنا مرتضى دخل برده طرقعله بس بننسى علشان نشر بيانات و أخبار كاذبة من مواقع مشبوهة و بذاءات ..و قال يومها قال إن مش حيسيب مرتضى و انسى طبعاااا
..الأهمممممممممممم ..أيام الإخوان قال على نظام مبارك فاسد (معلش الفلول طيبيين و بينسوا ) و دلوقتى بقى حلو و جميل و الإخوان فصيل محترم و رائع و جايين بعد نظام فااسد(طبعاا مبارك) و الإسلامين لازم يحكموا ..بكرى 2
- نشر إشاعات عن الدولار قبل التعويم بكتير و بدل ما يحث الناس على بيعه للبنوك بيقولهم سقعوه ..وطنى موت بيساهم فى خراب اقتصاد بلده و غالبا عنده شوية دولارات بيصرفها فى الوقت اللى كننا كلنا واقفيين موقف معاكس تمامااا
واستدرك: "كل ما سبق للأسف عيب أوى يتحسب على إنه مؤيد و عيب أوى إن لسه فيه سذج و طيبيين بيصدقوة ..و النعمه عيب".
وعلق "رفعت" على تدوينة "عبد الحكيم" قائلًا: "طب بالعقل كده حابقى لابس نفس البدلة من 26 ديسمبر 2011 .. يعنى بقالها 6 سنين ونفس صورة البروفيل .. طب أنا عندى 5 اكونتات واحد منهم بس من 2008 ... ومفتوح للكل وممكن تدخله ... الغريب أن البوست ده معمول للفريندز بس... طب جبته ازاى وانت مش فريند ؟ المفروض إنك دكتور يعنى .. ولاحظ انى عمرى ما غلطت فيك ولا جبت سيرتك من الأصل .. فى انتظار اعتذارك".
و رد "عمرو عبد الحكيم" قائلًا: "عيب أوى مهندس اتصالات ميعرفش إن البرينت سكرين بيطلع بصورتك الحالية و الدليل أهو قبل اختراع قصه علم مصر و من 2013 و شكراااا .و اللى عنده معزه يربطها و السلام عليكم و رحمة الله و بركاته".
وكتب "رفعت" تدوينة على صفحته ، هدد فيها "عبد الحكيم" بالسجن دون أن يذكر اسمه ، حيث قال في تدوينته: " من امبارح لقيت اسكرين شوتات لبوستات منسوبة ليا من 2012.. إنى كنت إخوانى طبعا معمولة من حساب مزيف باسمي ومتغير التواريخ .. بالاتصال بمباحث المعلومات طلبوا من أن اقدم بلاغ رسمى يوم السبت إن شاء الله فى أى حد ينشر اى صورة مزيفة لاكونتى ... وقالوا ان الاسكرين شوت لازم يكون واضح فيها اليوزر نيم user name (اللى متعلم احمر فى الصورة ده هو بتاعى الحقيقي وده لا يمكن تكراره ) أو تكون مع الاسكرين لينك من أكونتى نفسه".
وأضاف: "أى حاجة تانية تبقى مزيفة وتعرض ناشرها لجريمة التشهير بيا ... وخصوصا أن اتهامى إنى إخوانى دى جريمة لأن الإخوان جماعة إرهابية .. وبالنسبة للى نشروا أى صورة مزيفة ... خليك راجل واعتذر علنا على صفحتك إنك مكنتش تعرف إنها مزيفة ... أو اعمل زى الخوااااجات واحذفها من سكات وساعتها حافضح (...) .... أو سيبها ونتقابل فى المحكمة وساعتها حتعمل برضة إنك من الخواااااجات عشان أعفو عنك ..... أقسم بالله ما بهرج" حسب تعبيره
السكرينات التي نشرها "عمرو عبد الحكيم":
السكرينات التي نشرها خالد رفعت لتبرئة نفسه: