سرقة السيارات بالبحيرة..عصابة القط الأسود والخط واللهو الخفي

يعانى أهالي البحيرة من تشكيل عصابي تخصص فى سرقة سيارات الميكروباص فى ظلام الليل ، ويساوم اصحابها على دفع فدية مقابل اعدتها لهم
وتكون خطة العصابة كما يلى، يقوم بالاتصال على صاحبها بعد أخذ رقمه عن طريق أحد السائقين الذين يعملون فى موقف السيارات ويقول له «لو بلغت البوليس مش هتشوف العربية لا بد أن تسمع الكلام وتحضر 100.000 جنيه وانتظر التعليمات»، ثانى يوم يتم التفاوض والفصال على «المبلغ بعدما كان 100 ألف ليصبح 25 ألف جنيه»، وبناء على ذلك يتم تحديد موعد الاستلام.
ويتم تنفيذ تعليمات السارق كما نشاهد فى الأفلام تبدأ الخطة كما يضعها السارقون ويقوم بكل التعليمات صاحب السيارة حتى تعود له مرة أخرى.
الحوار بين السارق ومالك السيارة «تعالى على كوبرى إيتاى البارود، أنا جيت يا باشا أعمل إيه، انزل من العربية ارفع إيدك لفوق مين اللى معاك ده أخويا يا باشا، خلاص اطلع على كوبرى حنفى جنب النقراش (قرية بالمنطقة) هتلاقى كوبرى أنا واقف عليه، ألو يا باشا أنا وصلت، بالسلامة لف ثانى بالعربية تعالى على كوبرى جعيف انزل من العربية هتلاقى اثنين ماسكين رشاش ومعاهم كلب زى اللى كان مع صالح سليم فى الشموع السوداء، التليفون يرن اطلع على كوبرى الدلنجات وسوق بأقصى سرعة اوصل إلى الدلنجات عشان لو متراقب ومعمولة كمين من الحكومة بعد شويه الو تعال ثانى أقف عند كوبرى حوض فارس طلع ايدك من العربيه ارمى الفلوس على الأرض وامشى اقفل التليفون بعد خمس دقائق تكون فى موقف إسكندرية فى إيتاى البارود واستنى التعليمات».
يتم تنفيذ التعليمات كما تقال للسائق وبعد ربع ساعة يرن الهاتف «اطلع عند جامع فى جبارس تلاقى العربية فى انتظارك السواق يروح يلاقى العربية طب المفتاح يا باشا من غير مفتاح هتشتغل» ومن هنا يحصل السائق على السيارة وتعود إليه من جديد بعد دفع فدية
لم يتمكن السائق من عمل محضر حتى تعود له سيارته مرة أخرى، لأنه إذا قام أحدهم بعمل محضر لن يرى العربة مرة أخرى وما زالت عصابة الخط والقط الأسود واللهو الخفى تسرق وتنهب السائقين بمحافظة البحيرة، فهل من رادع لهم؟