أشهر قصائد "محمد حمزة" تغنى بها كبار نجوم الفن

تحتفي الأوساط الثقافية والفنية، اليوم السبت، بذكرى ميلاد الشاعر محمد حمزة، الذي يعد أحد رواد الشعر الحديث، بدأت تجربته الشعرية الغنائية باحتراف في مطلع الستينات، لحن له كبار الملحنين من بينهم: بليغ حمدي، محمد سلطان، محمد الموجي، وغيرهم، كما تغنى لقصائده كبار نجوم زمن الفن الجميل في الوطن العربي من بينهم عبدالحليم حافظ، فايزة أحمد، نجاة الصغيرة، شادية، وردة، صباح، محمد رشدي، سميرة سعيد، عفاف راضي، هاني شاكر، كاظم الساهر، أصالة نصرى، وغيرهم.
عمل "حمزة" ناقدا وصحفيا في العديد من الجرائد والمجلات من بينها روز اليوسف، صباح الخير، الوفد، الأهرام الرياضي، سيظل علامة مضيئة في سماء الأغنية المصرية والعربية.
وتنشر "البوابة نيوز" أشهر قصائد الشاعر محمد حمزة في ذكرى ميلاده احتفاء به.
"موعود"
موعود معايا بالعذاب موعود ياقلبى
موعود.. ودايما بالجراح.. موعود ياقلبى
ولا بتهدا.. ولا بترتاح.. في يوم يا قلبى
عمرك ما شفت معايا فرح
كل مره ترجع المشوار بجرح
والنهاردة.. جى تقول انسى الآهات
جى تقوللى.. يا للا بينا الحب فات
وميل وحدف منديله
كاتب على طرفه اجيله
وأمانة يا دنيا أمانة
تخدينا للفرحة أمانه
وتخلى الحزن بعيد عنا
وتقول للحب استنى استنانا
تانى.. تانى ح نروح للحب تانى
والنار والعذاب.. من تانى
تانى.. تانى ح نروح للحب تانى
ونضيع ونجرى ورا الأمانى
ويغيب القمر ونعيش السهر
واهات الالم في ليالى الندم
ياليل يا حضن السهارى
ياللى شفت في عينه الدموع
وأنا دايما راجع وحيد
ياليل يا حضن السهارى
خلى فجر الحب يطلع..
بدرى يمشى مشوارنا الطويل.
"حكايتى مع الزمان"
كان ده كان إسمه حبيبي كان يوم من نصيبى
ضحيت بعمرى معاه مشوار إسمه الحياة وكان
أنا اللى بينكم هنا رضيت بالعذاب لحد ما قلبي
داب ولا وفت يوم هنا أنا وأنا ياما إتحملت
أنا قاسيت ولا إشتكيت ولا جيت في يوم بكيت
منه لكم هنا أنا لا عتاب حيشفى جراح ولا
حيجيب اللى راح دى حكايتى مع الزمان
رسم لى على السنا جنة فيها الحنا وقال حنعيش
هنا قلت إحلوت سنينى وبنالى في الخيال
قصور من الآمال وقال مفيش محال نمت
وغمضت عينى ومرت الأيام وصحيت
مالقيتش غير آلام وعذابى مستنينى وأنا
اللى بينكم هنا مش عارفة رايحة فين ولا
فاكرة جاية منين جابنى الطريق هنا أنا
وأنا ياما إتحملت أنا دموع ماتنتهيش لو فات
مليون سنة أنا لا عتاب حيشفى جراح ولا
حيجيب اللى راح دى حكايتى مع الزمان.
"نبتدى منين الحكاية"
لو حكينا يا حبيبي نبتدى منين الحكاية
دحنا قصة حبنا ليها أكثر من بداية
عشنا فيها ياما عشنا شفنا فيها ياما شفنا
لكن مشينا وكملنا مشوار الحب ووصلنا والدنيا
ما قدرت تعاندنا وتفرق بينا وتبعدنا
تعال تعال نقول لغيرنا أنا وأنت أزاى قدرنا
نبعد عن أى عذاب ونعيش على طول أحباب
نحضن فرحتنا سوا ونخلى الحب شباب
وقابلنا أنا وأنت في مشوارنا
حاجات كثيرة جرحت غيرنا
الغيرة وظنونها واللى بيجرى منها
في يوم ما قربت منها بعدنا حبنا عنا
وقابلنا الحاسدين وشافونا
ولا هانش عليهم يفوتونا
وقالوا علينا ياما قالوا
وهوانا ولا تغير حاله
وتسافر أسافر وأيام يطول السفر
وقلوبنا بتتقابل مع كل طلعة قمر
تعال.. تعال نقول لغيرنا
أنا وأنت أزاى قدرنا.