تامر أمين: لا يوجد برنامج توك شو أقوى من "البيت بيتك"

أكد الإعلامى تامر أمين، إنه رفض الاشتراك فيما أسماه "المهزلة الإعلامية والسياسية" التى حدثت بعد ثورة 25 يناير 2011، قائلا: "بعد الثورة اتقال تامر أمين خلاص راحت عليه، ولكن الأيام أثبتت حسن موقفى، والدليل إنى اشتغلت في أهم القنوات مثل قناة الحياة، والآن النهار".
وأضاف "أمين" خلال برنامج "شيخ الحارة" مع إيناس الدغيدى على قناة "القاهرة والناس": "برنامج وائل الإبراشى على التليفزيون جيد".
وأوضح ساخرا: "وائل بيقدم التوك شو بتاع التليفزيون المصرى علشان ساكن جنب التليفزيون"، متابعا: "التليفزيون ده بيتى وبتشرف بيه، والاتصال كان مفتوح مع المسئولين طول السنين اللى فاتت للعودة، ولكنى كنت بشوف أن العودة لا بد أن تكون على مستوى البيت بيتك لأن الناس هتقارن.. وبرنامج وائل الإبراشى مش زي البيت بيتك.. البيت بيتك ماجاش زيه".
وتابع: "هناك الكثير من الإعلاميين أقول لهم اقعدوا في البيت، لأن منهم اللى مش إعلامى أصلا، ولكن لن أذكر أسماء".
وعن هجومه على الفنانة شيرين، قال تامر: "شغلتى غير شغلة شيرين عبد الوهاب، وهى في الغناء عظيمة، ومن أفضل الأصوات اللى جت في مصر، ولكن ده مالهوش علاقة بهجومى عليها.. أنا لما بدخل الاستوديو بنسى كل حاجة.. قمة المهنية إنى أنسى صداقتى للأشخاص على الهواء".
وعن علاقته بالفنان محمد رمضان وهجومه المستمر عليه أوضح: "مش حقيقي إنى بهاجم رمضان علشان أستفز جمهوره ويتابعونى.. رمضان عنده كنز وثروه بيضيعها بإيده وبستخسر اللى هو بيعمله.. وولادى مابيتفرجوش عليه".