بالفيديو.. سلوى عثمان: مكنش على بالي التريند.. وكان لازم أضرب عيالي في البرنس

قالت الفنانة سلوى عثمان، إن مشهد البكاء في مسلسل البرنس كان يحتاج للتركيز والتحضير، نظرًا لأهميته، مضيفة "علشان لما أجى انفعل منساش الكلام، وكان لازم أضرب العيال دي".
وأضافت "سلوى" في حوارها لبرنامج "هذا الصباح" على فضائية "إكسترا نيوز": " أنا كنت بزق وبضرب الممثلين في مشهد مسلسل البرنس بجد، ومكنتش عايزة الناس تبكي بس المشهد كان لازم يتعمل كده، مكنش ينفع أعمله بشكل تاني، وجوايا كان كده، وحسيت أن سميحة لما تعرف لازم تحس بصدمة كبيرة جدًا".
وأوضحت: "فكرة التريند دى على المشهد مكنتش على بالى بصراحة"، متابعة، أنها تفاجأت برد الفعل، قائلة: "معنديش غير فيس بوك والناس كانوا بيبعتولي رد فعلهم على المشهد".
وأشارت الفنانة سلوى عثمان، إلى أن رد الفعل عن مشهد البكاء في مسلسل البرنس كان كبيرًا جدًا، والسبب يرجع في أنها قامت به بصدق وإخلاص للدور.