محمد أنور ينتهي من "طلقة حظ" ويشكر صناعه

انتهى الفنان محمد أنور من تصوير مشاهده في مسلسل " طلقة حظ ".
وكتب أنور على صفحته الشخصية على موقع التواصل الاجتماعي" فيس بوك": "شكرًَا لكل صناع العمل الحمد لله رب العالمين.. فركش مسلسل طلقه حظ اللي بجد كانت من أحلى الأيام في حياتي واللي ربنا جعله سبب في حاجات كتير حلوة أوووي ليه وفتحة خير".
وتابع: "بشكر شركه سينرجي وتامر مرسي Tamer Mursi وحسام شوقي على أنهم وفروا لينا كل حاجة كانت مطلوبة عشان نعمل مسلسل محترم ومهم".
وأضاف: "بشكر المخرج الكبير صاحبي وحبيبي أحمد خالد أمين Ahmed Khaled Amin على تعبه في المسلسل اللي كانت أيامه كلها صعبة وعلى تعبه معايا انا شخصيا، وبشكر كل فريق الإخراج اللي بجد كانو مهتمين جدا أن كل حاجة تطلع مظبوطة وعلى رأسهم طبعا احمد عبد الوهاب Ahmed Abd El Wahab اللي كان بيموت نفسه عشان الشغل يطلع مظبوط، ومدير التصوير الجامد محمد عز العربEzz El-Arab على الصورة الحلوة اللي ظهر بيها المسلسل وبشكر كل فريق التصوير وكل فريق الإضاءة اللي تعبو أوووي بجد في المسلسل ده، والمؤلف إيهاب بليبلEhab Blebel على الورق الحلو ده واللي اتوقع انه هيبقي من أهم مؤلفين مصر الفترة الجاية، وكل الممثليين اللي اشتركو في المسلسل واللي بجد مبسوط وسعيد وليه الشرف انه مثلت معاهم واتعلمت منهم كتير".
واختتم: "وبشكر اخويه وصاحبي مصطفى خاطرMostafa Khater على وقوفه جنبي من 15 سنة لأنه كان أول واحد يطلعني على خشبة مسرح الجامعة ويديني الفرصة أني أمثل على مسرح الجامعة لحد مسلسل طلقة حظ اللي كان السبب في حاجات كتير حلوة بالنسبة ليه وربنا يجعله فعلا طلقة الحظ لينا بإذن الله".