صوت الناس.. أهالي شارع إيران بالدقي يناشدون المسئولين مواصلة تنظيف الشارع

رصدت «صوت الناس» شكاوى أهالى شارع إيران بحي الدقي في محافظة الجزية، أهم الشوارع بمنطقة الدقى وأشهرها، من تراكم أكوام القمامة بالشارع، وناشدوا المسئولين وهيئة النظافة بتطهير وتنظيف الشارع، بالإضافة إلى الكلاب الضالة التى انتشرت حول أكوام القمامة.
ويقول «عاطف»، أحد سكان الشارع، الزبالة منتشرة فى الشارع، ولا كأنك فى الدقى، وتقدمنا بأكثر من شكوى للمسئولين بالحى لإيجاد حل لهذه المشكلة، ولكن لم يهتموا بشكوتنا، وأحيانا تلاقيهم مهتمين بالشارع جدا، بس للأسف لازم نفضل نقول المشكلة أكتر من مرة عشان يحصل الحل، أو لازم تحصل كارثة الأول عشان المسئولين يهتموا، فمن كام شهر فى الشارع هنا، فضلنا نقول الأشجار، وأشجار الموت هتقع علينا، وتسبب مشاكل كبيرة، ومحدش كلف خاطره يشيلها، قدمنا شكاوى، وعملنا مناشدات واتكلمنا مع بتوع الحى، واهتموا وشالوا الأفرع اللى هتقع عندما شجرة وقعت على عربية كسرتها، والحمد لله محدش كان فيها أو قريب منها وقفلت وقتها الشارع، التنظيف اليومى للشارع مش هيكلفهم جهد أكتر ما هيسبوا القمامة فى الشارع متراكمة.
ويختتم الأهالى مناشدتهم للمسئولين محتاجين متابعة وإشراف على العمل من الرؤساء على العمال لإزالة القمامة من الشارع.