محمد سلامة: شكرا لكل صناع مسلسل " رحيم "

توجه المخرج محمد سلامة الذى يخوض السباق الرمضاني من خلال مسلسل " رحيم " للفنان ياسر جلال بالشكر لكل صناع العمل.
وكتب سلامة علي صفحته الخاصة علي موقع التواصل الاجتماعي فيس بوك قائلا "
بكره اول يوم رمضان وكلها ساعات وهيتعرض مسلسل ( رحيم ) العمل الدرامي الاول ليا.. احب اشكر كل الناس اللي وقفت معايا وجنبي علشان نوصل لليوم ده.
اولهم المنتجين ريمون مقار ومحمد محمود عبد العزيز اللي صدقوا فيا ووقفوا جنبي ودعموني وشركه فنون مصر اللي بتقدمني كمخرج في اول عمل ليا وكل الناس المحترمين اللي ورا الشركه دي الهامي مقار وشادي مقار وكريم محمود عبد العزيز.
واخويا الكبير ياسر جلال اللي فعلا كان موجود وكان مصدق فيا واختياراتي وعدينا سوا علي كل المصاعب اللي ليها علاقة بالوقت والمشاهد الصعبة وفعلا كان كل يوم بيبهرني.. والاساتذة اللي إتشرفت بالعمل معاهم واد ايه هما جمال وحقيقي نجوم كبار وكنت في قمة سعادتي بالعمل معاهم وازاي كان اللوكيشن مليان بهجة وسعادة بسببكم.. الممثلين الجامدين اللي المسلسل هينجح بسببكم شكرا اجمل ناس.
مبروك صديقي المؤلف محمد اسماعيل امين والورشة بتاع المسلسل صديق عمري واللي مفوتش شغلانه من غير مانكون سوا محمد جلال والمشاركين في الورشة بيبو وعبيه.
مها إمام واحده من اشطر المخرجين المنفذين في مصر شكرا مها علي قدرة تحملك واستيعابك للمسلسل في أشد أوقاته، شكرا لضميرك وحبك للعمل. شكرا الاخراج المحترم اللي كان معايا رمضان سوني وبوزو محمد ابراهيم ونهي عاصم واحمد طه وتسنيم مصطفي وهشام وبوكس مبسوط اني اشتعلت معاكم.
يمكن اكون محظوظ ان انا بشتغل مع صحابي وخوفهم علي الشغل في لحظات تعبي واستسلامي دايما كان بيخليني اكمل واقدر اكمل حتي في اصعب الظروف،حب الصحاب اللي حواليك اللي بيشتغلوا بقلب والناس اللي بتحبك اللي اتبني بينك وبنهم صلة، انا مبسوط بالشغل مع مدير التصوير وصاحبي ذكي عارف وبجد رغم إرهاق الشغل وضغطه الوقت هو كان موجود كتف بكتف هو ورجالته كلهم اللي فعلا كانوا كلهم بنفس الطاقة واللي اتشرفت إني اشتغل معاهم واحد واحد.
شكرا كريم عبد العزيز شكرا سلمي الكاشف شكرا شريف ورحمه، شكرا علي الشغل الصعب والعدسة 150 اللي منزلتش من علي التراك احنا لسه مكملين ومش هتنزل برضه.
الناس اللي بتسهر علي الماتريل وتشتغل عليه صاحبي المونتير روبرت فاروق وجورج شكرا ريحانه شكرا رجاله الجرافيكس الاسطول اللي ورانا بيشتغل علي المسلسل.
شكرا للرجاله اللي كانت ورا المسلسل ده انه يطلع شكرا لرجاله الانتاج أصدقائي المنتجين الفنيين للمسلسل ايمن عبد الحفيظ وحاتم سعيد شكرا لصحابي الرجالة مدير ادارة الانتاج عوف عبد الرحمن الجدع شكرا هاني سمير ورائد واشرف وهاني مهدي وهاني سعيد وكل الرجالة الي كانت واقفة علشان نفضل نشتغل واحنا مرتاحين.
شكرا لرجالة الكاميرا ماهر وفوزي ويوسف وسريع وجيمي ورجاله الإضاءة قشطه وسفينه وشعلان وصِديق والرجاله اللي تعبت معاهم.
شكرا رجاله الديكور علي التعب والمجهود والسهر شكر م. ايمن فتحي وم. احمد طه وميرا ورجالتهم شكرا رجاله الحج عباس صابر شكرا رجاله الاكسسوار ايمن وبشوي والرجاله اللي معاهم.
شكرا لرجاله الصوت صاحبي وصديقي م. احمد رشدان هو والرجاله اللي معاه واعيش واشحططك زي كل عمل مع بعض.
شكرا للمكياج سهرا والرجالة اللي معاها.
شكرا الاستايلست خالد عبد العزيز ورجالته والناس اللي كانت وراه شكرا لرجاله الاسست الجامدين قوي.
شكرا لرجاله الخدمات المحترمين عم غزال وشكرا لرجالته شكرا رجاله البوفيه.
واخيرا احب اشكرا الصديقة مديرة المشروع رانيا الجيد شكرا يا رانيا بجد انا بحبك جدا.. شكرا يا هنا ماجد شكرا لرجاله شركه فنون مصر محمود عبد الواحد وإبرام ومينا والمحاسبين كلهم.
وشكرا لكل واحد شارك في المسلسل وساهم انه يطلع للنور وسعيد اننا اشتغلنا سوا خايف اكون نسيت حد علشان فعلا الناس اللي ورا الكاميرا هم ابطال حقيقيين في الشغلانه ويستحقوا التقدير.