هنأ الفنان أحمد جمال، طلاب الثانوية العامة، الذين حصلوا على نتائج مشرفة، ووجه بعض النصائح للطلاب الذين لم يحققوا النتائج المرجوة. وقال خلال تدوينة له على موقع "فيسبوك": "بالنسبة للناس اللي جابت مجموع كبير في الثانوية العامة مليوووون مبروك انت كده ابتديت أول خطوة في مشوار حياتك بس لازم تكمل بنفس الطاقة اللي عندك دي عشان متهدش اللي بنيته". وتابع: "أما بالنسبة للي جاب مجموع مش عاجبه أو مكانش متوقعه صدقني دي مش نهاية الكون، ياما ناس نجحت في حياتها أكتر من ناس نجحت في دراستها.. وناس قدرت تنجح في مجالات غير مجال دراستها تماما نتيجة إنها قدرت تشغل دماغها كويس مع شوية مجهود". واختتم: "في النهاية افتكر كويس إن ده نصيبك وده اللي ربنا اختارهولك وربنا مبيختارش إلا الخير بس انت مش عارف، أهم نصيحة هقولهالك متضيعش وقت حتى لو دخلت كلية مبتحبهاش، دور وفكر هتعمل ايه جنب دراستك عشان يكون ليك كيان كبير في المستقبل، استغل كل دقيقة انت عايشها دلوقتي في حاجة مفيدة عشان هتعرف قيمتها بعدين".