بالصور.. الثعابين تغزو مدرسة في "15 مايو"

تداول نشطاء موقع التواصل الاجتماعي "فيس بوك"، اليوم الإثنين، صورا لثعابين داخل مدرسة ب"15 مايو".
وقالت صاحبة المنشور: "الصور دي من مدرسة أحمد شوقي الرسمية التجريبية للغات في حلوان 15 مايو.. المدرسة فيها تعابين بشكل هستيري ومديرة المدرسة والإدارة التعليمية لما اكتشفوا الكارثة وعدوا أنهم هيعملوا ترميم للمدرسة وهيخلصوا ع التعابين بس طبعا لأننا في مصر مافيش حاجة من دي حصلت طول الأجازة، والدراسة داخلة في سبتمبر ومحدش عارف ازاي هيدخل ابنه أو بنته المدرسة وفيها تعابين، وفي نفس الوقت المدارس التجريبية التانية في المنطقة بيقولوا مافيش أماكن تستوعب طلاب المدرسة دي.. والتعابين لسة هناك".
واستكملت: "وبالتالي الولاد مش هيروحوا المدرسة التيرم الجاي ولا هيقدروا يتنقلوا مدرسة تانية تجريبية".
وطلب رواد الفيس بوك من المسئولين التحرك وسرعة إنقاذ المدرسة.