عبدالرحيم علي: وائل غنيم خدع المصريين بثورة يناير

أذاع قال النائب عبدالرحيم على، عضو مجلس النواب ورئيس مجلس إدارة وتحرير مؤسسة "البوابة نيوز"، تسريبًا صوتيًا- خلال برنامجه "الصندوق الأسود"، المذاع على فضائية "العاصمة"- يضم كلا من مصطفى النجار، عضو مجلس الشعب السابق، والمسوق الإلكتروني وائل غنيم، وجاء نص المكالمة كالآتي:
جرس الهاتف يرن
مصطفى النجار: إيه يا وائل.. إزيك.. عامل إيه؟
وائل غنيم: الحمد لله.
النجار: إيه الأخبار؟ كله كويس؟
غنيم: إيه يا عميل؟ رحت تقابل ليه شفيق؟
النجار: أنا عايز أقعد معاك يا وائل أشرح لك حاجات كتير.. قابلت ناس كتير في الجيش، وقابلت شفيق، والقصة معقدة جدا وأمريكا بتلعب، ومصر ب"تتفشخ" يا وائل.. عندي معلومات مهمة عايز أقعد معاك واقولها لك يا وائل عشان بس.. إيه؟
غنيم: أمريكا بتلعب ازاي يا مصطفى؟
النجار: فيه "ديل" جامد بيتلعب ((صفقة تقوم بيها أمريكا بتمويل صعود الإخوان للحكم)) مش هينفع في التليفون يا وائل عايز أخلص مشوار كده وآجي لك يا وائل.
غنيم: لا لا.. أنا النهارده عندي مؤتمر بتاع "تدد" بتاع اللل...
النجار: آه آه.. هتخلص إمتى طيب؟
غنيم: "ديل" (الصفقة) إن شفيق يمسك يبقى الريس.. صح؟
النجار: ريس إيه بس يا وائل؟! أرجوك والنبي.. أبوس إيدك أبوس إيدك.. القصة أكبر من كده خالص.. أمريكا بتلعب يا وائل علشان تشكل المنطقة بشكل ابن.... (الشرق الأوسط الجديد) والقصة مأساة مأساة يا وائل، ومصر هتتفشخ.. خليني أجيلك بس يا وائل أقعد معاك أفهمَّك المأساة.
غنيم: تشكل منطقة إيه يا مصطفى؟! إنت اتضّحك عليك بنظرية المؤامرات دي إنت راخر!
النجار: خليني أقعد بس واحكي لك على التفاصيل وإنت تحكم، أنا هقول لك معلومات مش هافتي من عندي ولا باختلق من دماغي كلام.. هتخلص المؤتمر إمتى الساعة كام؟
وائل غنيم: انا هاخلص المؤتمر على 10 كده.. هابقى في الزمالك بعد كده.
مصطفى النجار: طيب خلاص.. هاتصل بيك، ماااشي.