غادة عبد الرازق ل "شيرين": ركزي في شغلك وسيبك من اللي بيهاجموكِ

تضامنت الفنانة غادة عبد الرازق، مع المطربة شيرين عبد الوهاب، بعد حملة الهجوم التى تعرضت لها شيرين، عقب انتهاء الحلقة الماضية من برنامج مسابقات المواهب الغنائية "ذا فويس".
وقالت غادة، عبر موقع التواصل الاجتماعى ل "شيرين": "انتى مش محتاجة تعتذرى علشان، إحنا جمهورك متأكدين إنك متقصديش أى غلط فى حق حد، ومتأكدين إنك عفوية وإنسانة طيبة جدا، اللى بيهاجموكى دول اللى غيرانين منك ومن نجاحاتك، سيبك منهم وركزى فى شغلك ونجاحاتك وبناتك وأهلك وجمهورك اللى بيحبك وانا واحدة منهم وكل سنة وانتى طيبة حبيبتى".
يذكر أن شيرين، قد تعرضت لموجة كبيرة من الانتقادات، بسبب رفعها لحذائها، والتصويت لأحد المتسابقين، خلال برنامج المسابقات "ذا فويس".