تعبان داعشي.. انصرف وخد جنيه

انصرف يا تعبان، وجنابه سايق الهبل ع العبط ورافض الانصراف ومستمر في اللدغ وبخ سمومه، وانصرف وخد جنيه، افتح الله.. لأ.. مش ماشي، كفايك يا توتو لدغ.. وتوتو في حالة طرش.. وشوف إيه ده؟.. إيه اااا ؟ دي مسابقة عن داعش، بتقول عزيزي القارئ الفهيم أبو دماغ فُلة، اختر الإجابة الصحيحة: «داعش لمصلحة مين.. ؟» واحد: إسرائيل العامشة.. اتنين: أمنا امريكا الغولة.. تلاتة: جماعة اللئام..
في انتظار إأجابتكم علي العنوان التالي، 3 حارة التايهين، منطقة الضلمة، أو صندوق بريدي رقم تلاته زيرو.. تلاته صفر، والجايزة مفاجأة.
وصرح هوبا اللهلوبة المتحدث باسم المسابقة بأن آخر موعد لتلقي الإجابات من الوقتي حتى آخر النهار، ويشترط وضوح ومباشرة الإجابة، واصفا المسابقة بالخيبة، والتنظيم بالحية، داعيا بالانصراف والتوقف عن اللدغ أو قص أجله.