بالفيديو.. شباب الخريجين للبوابة: "اللي اتعلموا ماخدوش حاجة"

سألت البوابة نيوز عددا من خريجى الجامعات فى مصر "اللى اتعلموا خدوا ايه" فقال محمود الشاذلى: أنا دخلت كلية حقوق عشان عايز منها حاجة واحدة بس هى معرفة القانون وواجباتى وحقوقى وأغلب الخريجين لا يعملون في تخصصاتهم، وقال: اللى معاه واسطة بيشتغل والى مش معاه مبيشتغلش، وإن الكثير من الطلاب بعد تخرجهم يهاجرون خارج مصر للبحث عن الوظيفة والعمل.
وقال ابراهيم: خريج كلية التجارة جامعة القاهرة انا متخرج من دفعة 2005 واشتغلت فى محل "وملقتش وظيفة فى بنك او شركة" وقال: "الى اتعلموا ماخدوش اى حاجة ولا هياخدوا اى حاجة " الا اذا وجد شخص يضعهم على اول الطريق.
وقال محمد حمدى: أنا خريج كلية اداب وملقتش شغل وبعد ذلك اشتغلت فى خدمة العملاء بشركة بالقرية الذكية ثم عملت فى شركة راديو شاك.
وعند اجابته علي سؤالنا قال: اللى اتعلموا مأخدوش حاجه، أنا باخذ الشهادة عشان اعلقها على الحيطة وعشان اتجوز بيها"، وعند سؤاله ما هو دور المسئولين والحكومة والبلد في توفير فرص عمل للشباب. أجاب: يجب ان توفر دورات تدريبية فى مجالات يستطيعون العمل بها.
وقال يحيى: إن الى اتعلموا مخدوش اى حاجة خالص وواجب على الحكومة توفير فرص عمل لهم عن طريق اقامة المشاريع للشباب والخريجين
وقال محمد السيد: اللى اتعلموا مخدوش حاجة بس لازم الواحد يعمل الى عليه عشان ميضيعش تعب وشقى اهله عليه ويجب على الشباب الاهتمام بالدراسة والحصول على التقديرات لكى توفر لهم فرص العمل الجيدة.