زنقة سين أُس اتنين

كده الجنان بأه رسمي .. يا حفيظ .. حجزوا أقرب خُن في سرايا العباسية للمجانين وأصحاب الدماغ الخربانة .. سين أُس 2 " سيد البدوي كبير الوفد وساويرس ملك العفرته وزيرو اتناشر، جابوها ع بلاطة " إحنا أهو في وش القطر "، وقعا في المحظور، غرقا في مستنقع الخبل وغباء التصنت علي كبارات البلد .. بلاغ رسمي رقمه "17425" 2014 موجه لنيابة أمن الدولة العليا كشف متغطي "البدوي ساويرس " في الوسط السياسي البازنجاني، فضح دعمها تأسيس وبناء وتشييد اتحاد كونفدرالي عفراكوشي بين الاقباط واسرائيل ، يا نهار ملوش نهار .. اقباط واسرائيل شورة هباب .. الكلام كبير خالص مالص ويصب يصب في حارة الامن القومي المزنوقة .. هيعمل إيه النجيب ابن الحاج اُنسي .. هيتصرف إزاي الشيخ سيد بلا ليكا .. أغلب الظن أن النجيب بحكم انه زعيم الزيرو اتناشر ، هيشد تليفون دولي لجماعة بره مستغيثا : " الحقوني ييييي .. بيضطهدوني يييي " ، علي عكس الشيخ سيد ، وطريقته : نفي ، استنكار ، تنصل ، قسم براس جده البدوي الكبير ما حصل وسريعا سريعا سيدعو الي مؤتمر من مؤتمراته اياها لتفنيد المؤامرات الاتهامات والبلاغات دون أن يفوت فرصة الحديث عن تاريخه البرلنت .. ايوه ال ب ر ل ن ت .. وكراماتك يابدوي ... مداااااد.