نوارة نجم تعترض على غلق المواقع الإباحية وتعلق:خلوا الشباب يفك عن نفسه

قالت الناشطة السياسية نوارة نجم أن الرئيس السابق مبارك كان أفضل من الرئيس مرسي والإخوان لأنه ترك المواقع الإباحية للشباب.
وأضافت نجم في عدة تغريدات : من الأخر مافيش حاجة أتغيرت، لا معاهدات، ولا عقود، ولا اتفاقيات، اللي هي السبب في سوء احوال المواطن المصري، عندنا دلوقت مبارك بس بدقن.
وأردفت : الإخوان ما غيروش اي حاجة في سياسة الدولة تجاه المعابر ولا تجاه اسرائيل ولا تجاه أمريكا ولا الاتحاد الأوروبي، البلد بحطة أيدك يا مبارك.
وأكملت نجم : على الاقل مبارك كان سايب المواقع الإباحية للشباب يفك عن نفسه بدل ما يبقى كبت من كله.. دول بقى مبارك وكابسين على نفس الناس.
وأضافت : وايوه الإخوان جايين باتفاق مع امريكا واللي يقول غير كده يبقى يا أهبل يا بيستهبل واللي يفتكر ان أمريكا وإسرائيل خارج معادلة الثورة يبقى حمار.
وقالت : من لحظة قيام الثورة والأمريكان والاسرائيليين بيلحقوا نفسهم وبيرتبوا نفسهم كويس عشان النظام اللي ييجي ما يضربش مصالحهم اللي هي ضد مصلحتنا.
وأردفت : المجلس العسكري كل خيط في ابرة لابسه من فلوس أمريكا، والإخوان متفقين مع أمريكا، والسلفيين صنيعة أمريكية بالأساس.. إحنا تحت احتلال.