ليه لازم نقول “لا” للدستور؟؟؟

يخلي المدنيين يتحاگموا عسگريا
ممكن تتحاكم وتتسجن عسكريا وانت مدني لو وقعت في اي مشكلة لها علاقة بالجيش حتي لو خناقة علي القهوة مع ضابط جيش
لا للدستور
بيخلي قرار الحرب بأغلبية البرلمان
يعني أي رئيس له أغلبية في البرلمان يقدر يورط البلد في قرار
الحرب ونفس الأمر ينطبق علي إعلان حالة الطوارئ
لا للدستور
بيخلي رئيس الجمهورية ديگتاتور
يعطي للريئس صلاحيات مطلقة ، مثلا يقترح القوانين ويحل البرلمان ويختار رئيس الوزراء ويعين الموظفين المدنيين ويفصلهم ويعين القضاه ويعين رؤساء الاجهزة الرقابية ورؤساء الهيئات المستقلة.
لا للدستور
يحرم معظم المواطنين من التأمين الصحيحدد الدستور التأمين الصحي لغير القادرين فقط ولا توجد معايير تحدد من هم غير القادرين ودور بقي ازاي تثبت انك غير قادر ، والدستور كمان بيفتح الباب لخصخصة التأمين الصحي
لا للدستور
الدستور يمنع الصنايعي من دخول البرلمان
في الدستورالجديد مش من حق الكهربائي ولا النجار ولا السمكري ولا أي صنايعي يترشح لمجلس الشعب لكن الباشا اللي شغال بمرتب يقدر يترشح عامل في البرلمان
لا للدستور
يخلينا تحت رحمة الشرطة
الدستور بيدي الحق للشرطة انها تقبض عليك وتحبسك 12 ساعة من غير ماتعرف تهمتك ولا تكلم محامي وممكن يفرجو عنك بعد 11 ساعة ويقبضو عليك تاني لمدة 12 سلعة إلا دقيقة.. وهكذا !
لا للدستور
لايحمي حقوق العمال
يربط الدستور الأجر بالإنتاج وليس بالأسعار يعني لو الشركة اللي انت فيها مش هتجيب ماكينات جديدة تزود الإنتاج تفضل انت بنفس الأجر رغم زيادة الاسعار
لا للدستور
لا يضمن حق العمل والسكن
الدستور لا يلزم الدولة بتوفير فرص العمل للعاطلين ولا توفير اعانات مؤقتة لهم ولا يوجد الزام علي الدولة ايضا في توفير سكن ملائم للمواطن
لا للدستور
مش عايزنا نعرف الحقيقة
مسودة الدستور بتدي الحق للحكومة في حبس الصحفيين وقفل الجرايد ، يعني عقاب جماعي رغم ان تعطيل الصحف اتلغي من زمان .