طاقة أمل

الحلم ضحكة طفل
لسة بيتولد مع دمعتين
وشمعة بتحرق نفسها
علشان تعيش
قبل النهاية بفرحتين
كل السكك قابلة الرجوع
بس الخطاوي مكملة
قلبي أتملا
بحزن الغلابة والوجع
يمكن يكون صوت البجع
حلم البواخر
ف المحيط
واحنا الغلابة حلمنا
لو نص حيط
وطاقة أمل
علشان نحس إن الحياة
لسة حياة
يا ضحكة ف عيون الإله
الفرح تاه وانتي الأمل
يمكن تلاقي ع الطريق
نخلة بتركع للشجر
علشان يحس إن الأمل
فوق في السما
مش شمعة لسة بتتحرق
ودمعة ولد
متكفنة ف منديل
الحزن بنت
والفرح بنت
وأنت يا حلم
أبدا ما بنت
أبدا ما بنت