ابني يضربني بعد الطلاق...!!!!

قضية اليوم جديدة ومؤسفة انها مسألة شخصية تتعلق بزوجة طلقت 3 طلقات و لديها بنت معاقة عمرها 14 سنة ووولد مراهق عمره 16 سنة الزوجة (نوال) وان شئت فقل المطلقة نوال لأنها طلقت من حسين منذ 2007 وهي على حد قولها تنفق عليهم من راتبها و بسؤالها عن الاب؟
قالت: موجود لكنه لا يعمل منذ سنتين وانا مقدرة ظروفه لكن اللي تعبني انه خالي المسئولية وانا تعبت ومش قادرة على الولد اللي بقى طولي و وصلت الامور انه من يومين مد يده عليه وكسر البيت و كل ما اشتكي لوالده قلما يسأل و يعاقب ومش عارفه اعمل ايه .. وبدأت الام بالبكاء و اكملت تقول: وكمان بنتي المعاقة تحتاج تشوف أبوها و يرعاها نفسيا لأن الطلاق ترك أثر عليها وعلى أخوها.
فتوجهت للأب حسين (مطلقها) ايه رأيك يا ابو عماد فيما يفعله ابنك عماد وفين دورك ؟
وما ان اكملت كلمتي الا و رايت الاب يتحدث بحرقة وانفعال وغيظ مكتوم بصدره من الام الحاضرة امامه و يضرب بيده على المكتب وهو يقول : ازاي عايزني اربي ابني وانا بتشتم قبل الطلاق وبعد الطلاق من أمه قدامه تقولي انت ابن كذا وكذا يا بتاع كذا يا كذا والفاظ تضطرني للرد عليها وده كان سبب طلاقي لها وسبب اني ببعد احيانا بالشهر لأنها ما بتحترمني كأب ولا احترمتني كزوج سابقا. انا نفسي في حاجة لو عايزاني اربي ابني صح ما تدخلش لانها بتعرفني بالمشاكل بعد ما تقع انا اريد متابعة الولد من البداية
وهنا سألت الام : ما رايك في كلامه؟
قالت: انا مستعدة اترك له الامر ما دام ده في مصلحة اولادي
وهنا نصحنا الطرفين بما يلي:
1-اما الام فيجب عليك الا تتدخلي في طريقة الاب في تربيته للولد لن الولد واضح انه متسلط وبيستغل الضغط عليكم للرجوع لبعض و دي حرب نفسية منه و مع الاسف لو ما كان الطلاق مكمل للثلاث كنا رجعناكم لبعض بالتفاهم
2- يجب عليك عدم تشويه صورة الاب او اهانته امام الاولاد ولا الصراخ اثناء حديثهم مع ابيهم لأن تقليل احترامك للأب أمامهم سيسقط هيبة الاب من عينه كابن بدلي انه قال أبوه ده هي بتشتك دلواقتي جاي تعاتبني لما اشتكت لك.
3- سنقوم بعملية تأديب صورية للولد بتركه عند والده في السكن معاه ليحرم من النت والمصروف والعنجهية اللي سايق فيها ونخليه بعيد عنك مدة شهر يكون مع ابوه يدخل ويخرج معاه تحت عينه بحجة انه في السن القانونية اللي فيها لازم يكون مع والده عشان يعرف قيمة حنان أمه لما يرجع للبيت تاني
4-احذري المكالمات اللي كلها حنان وشفقة ومعلش بكره هتيجي عندي دي مدة وتعدي يا حبيبي ، نريدك تظهري للولد ان والده هو المسئول عنه وانا أمك وبسأل عليك للطمئنان فقط
المطلوب من الأب:
1- عدم ذكر أم الأولاد بسوء ولو الولد حاول الكلام عن والدته بسوء يمنع ويصد وتقوله هذه أمك وما يخصك طلاقنا دي قصة وكونها أمك موضوع تاني لابد من احترامها
2- يجب تصاحبه وتخليه يحكي لك كل حاجة وهذا ما امر به الشرع من مصاحبته في السن ده ومصادقته
3- الام ستساعك بمصروف نظرا لعدم وجود عمل تعيش منه طوال مدة اقامة الولد عند و ده مش عيب دي ام اولادك وانت في ظروف لا تسمح ماديا.
4- متابعة الولد بمدرسته وتوجيهه للصلاة واصدقاء السوء تبعده عنهم وتحاول انت تكون قدوة لأنه (كل إناء بما فيه ينضح)
وأخيرا قلت للأبوين قبل ترك الجلسة:
ابنكم لن يتربي وبنتكم لن تتحسن حالتها النفسية إلا لما الكبار يحترموا بعض و يقدروا بعض و يكونوا هما أصلا متربيين نفسيا وأخلاقيا