من الحياة: انا مش هقول تعبانه انا هقول منهاره فيا كل حاجه ومش عارفه اعمل ايه

انا مش هقول تعبانه انا هقول منهاره فيا كل حاجه ومش عارفه اعمل ايه
انا عندي مشكله واتمني انكو تقدروا تساعدوني فيها
انا عندي 23 اتقدملي واحد من قريه وانا عايشه في المدينه
مكنش في فتره خطوبه غير شهر واحد والشهر ده كنا بنجهز فيه للجواز ومكنش ليا فرصه اني اعرفه واتعرف علاه اكتر المهم في اول يوم الفرح اختي كانت داخله ورايا بس ومن هنا ابوووة قلها لا محدش يدخل من باب البيتخلااص كدا ابتدي اسلوبهم يظهر اسلوبهم الوحش يظهر في كل حاجه في اول اسبوعين كدا وبعدها انا كنت بسكت وبتغاضي منعا للمشاكل في الاول بعد كدا اتحول الاسلوب الوحش ده
والمعامله الي اهانه وسب بالاب والام من ابو جوزي عاادي خالص ويطردني من بيته ويقوللي انزلي شقتك بيكرهني بطريقه فظيعه ولما اكلم جوزي يقولي معلش اعتبريه ابوكي وانا اسكت لحد ما بعد كدا بقا اخو جوزي الاصغر منه يعمل نفس اللي بيعمله ابوة وعلي فكره جوزي بيحب اهله اكتر من اي حد ومش يقدر يقول اي حاجه لحد قعد اخوه يامر ويتامر فيا اكتر من جوزي وانا ساكته بعدها كان في رقم غريب بيرن عليا ومعرفوش مين قلتله لاخو ه رد شوف مين راح رد وقفل معاه وخلاص
اول ما جوزي جه راح قالوا في واحد رن النهرده علي مراتك وقعد يقوله كلام خلي جوزي حلف طلاق مش امسك تليفونات تاااني بعدها ابزة قال متخليهاش تقعد لوحدها في شقتها تقعد هنا لحد ما ترجع من الشغل هو قالوا حاضر اللي تشوفه بعدها اخوة جه في يوم متخانق مع صحابه ومتعور جامد وكدا كان جوزي وكل البيت قاعد فانا بقوله انتا مش هتبطل خناق مع الناااس قعد يشتم فيا ويزعق جامد والكل قاعد فرحت انا بزعق في جوزي بقوله شايف اخوك بيقولي ايه راح قام ضربني وقالي يلا وريني هتعملي انتي وهو ايه راح جوزي يرد يقولي روحي انزلي تحت وانا جايه وراكي رحت انا نزلت الم هدومي وكنت همشي قفلوا عليا الباب ومش خلووني امشي ومع العلم انا بابا وماما متوفيين ومش معايا اخوات صبيان عشان اقول انهم هيجبولي حقي المهم برضوا سكت وقعدت مش اكلم اخوه ده وهو اللي يطلب مني حجات اعملهالوا في البيت في حدود يعني وكمان بعدها بفتره تعبت ورحت للدكتوة وعرفت اني حامل رحت لوحدي طبعا زي ما يكون جوزي ميت بالظبط قلت حاجه تفرحهم اهي ويمكن تغير الوضع شويه
اول حد ابوة يرد يقولي والله ما تجيبي بنت لهرميكي في بيت اهلكوهخلي الكلبه اللي جبتيها العيال تلعب بيها كورة هنا ولو جبتي ولد مش انتي اللي تربيه عشان انتي مش بتاعت تربيه عيال اصلا انا زعلت وقعدت اكتم في نفسي ومش قادره اتكلم طول فتره الحمل كل ما اتعب واقول عايزة اروح للدكتورة ابوه يقولي لا لما تقولي هولد اوديكي يعلم ربنا قعدت فتره الحمل دي كلها ازاااي اهانه ودل وقرف في البيت وكل حاجه ومش بتكلم ومش قادره حتي اروح بيت اهلي ارتاح شويه من وقت ما اجوزت والله مدخلتش بيت اهلي تااني ولما اقوله عايزة اروح يقولي هتروحي لمين ويقعد يقطم بالكلام وبرضوا بسكت برضوا عدت فتره الحمل والحمد لله جبت ولدين توام كان نفسي اسمس ولد منهم مرديوش
هما اللي سموهم الولدين او بمعني اصح حتي جوزي مش سمي ولا حاجه هما اللي سموهم عمر ومهند قلت معلش مش مهم برضوا دلوقتي والده ليا شهر تقريبا او اقل نفس الوضع ويمكن زاد ان مسكت عيل من عيالي يزعق فيا ابو جوزي ويقولي براحه انتي مبتفهميش ويقعد يزعق من وقت ما ولدت مش راضي يخليني انزل انام في شقتي بينام هو العيال في الاوضه بتعته وانا افضل قاعده في الصاله مش قادره انام لحد منهم يبكي يعني دلوقتي بقيت مش قادره استحمل بقا ضغط من كل ناااحيه من العيال الاتنين ومن برووود جوزي اللي ملهوش كلمه ولا شخصيه اصلا ومن ابو جوزي وابنه والغلط وقله الادب بتعتهم مع العلم ان المسافه بين بيت جوزي وبيت اهلي حوالي ساعتين ونفسي اروح راح ابوة حلف اني لو رحت لهياخد مني العيال ومش هشوفهم تااني انا دلوقتي ليا اكتر من سنه اهو مش عايشه ولا عارفه اعيش ولا عارفه اعمل ايه ولما اكلم جوزي يقولي انتي عيزاني اعمل ايه يعني اغضب اهلي بسببك دلوقتي وصلت لعيالي مش عارفه حتي اتحكم فيهم زي زي اي ام لما يرضعوا يقولي ترضعيهم قدامي انا اضمنك من فين يمكن تموتيهم من ورايا
بالله علاكوا انا مش هقول تعبانه انا هقول منهاره فيا كل حاجه ومش عارفه اعمل ايه ولا اتصرف ازاي غير اني اطلق لاني هياخدوا مني عيالي دي اول حاجه دا غير اني هروح اقعد فين وانا مستحيل اسيب عيالي اصلا
او اني كمان اجيب خد يحل في الموضوع لاني مش بشوف حد غيرهم اصلا اخواتي البنات وبكلمهم بس علي التليفون الارضي لاني وخدين مني الموبيل عايشه في عذاب وكمان لكل اللي هيوقلي كنتي اطلقتي قبل ما تخلفي وكدا والله حاولت كتييييييييير اني ازعل حتي في بيت اهلي ومعرفتش اطلع من البيت سجن عايشه فيه بالظبط اسفه اني طولت علااكوا وربنا اعلم انا بكتب دلوقتي وحالتي ايه