مطعم تركى فى مدينة نصر بيمنع دخول المصريين بسبب عدم نضافة المصريين

المصريون يمتنعون" عبارة هتتفاجأ بيها لما تروح مطعم اسطنبول بالحى السابع فى مدينة نصر، والعبارة ديه ضايقت كتير من المصريين اللى متعودين يروحوا ياكلوا هناك.
أما بقى السبب ورا كتابة الجملة ديه على باب المطعم هو أن صحاب المطعم عايزين يحافظوا على جماله ونضافته ، خصوصاً ان معظم المطاعم بتفقد جمالها ورونقها لما الزبابن مش بتهتم بنضافته زى نضافة الحمام على سبيل المثال.
وأكتر حاجة بتضايق المصريين اللى بيجوا المطعم وبيتمنعوا من الدخول هو أن معظم اللى شغالين فى المطعم وتحديدا الطباخين من طلاب جامعة الأزهر وبيدرسوا فى أقسام مختلفة زى كلية الشريعة واللغة العربية وأصول الدين وكمان معظمهم من آسيا.
وقال واحد من اللى شغالين فى المطعم واللى جنسيته تركية، أن جمب بيته فى تركيا فيه مطعم مصري ومش بيخشه غير المصريين والعرب بس، وأنه لما جه مصر فكر مع شوية من صحابه أنهم يعملوا نفس فكرة المطعم المصرى فى تركيا هنا فى مصر، وقال كمان أنهم فى المطعم ده بيقدموا الوجبات بأسعار أرخص من المطاعم المصرية.