توك شو : عمرو أديب : لما قسم الشرطة خايف من حازم صلاح أبوإسماعيل .. الناس تعمل إيه؟

سخر الإعلامي عمرو أديب، من خوف قيادات الشرطة في قسم الدقي من محاصرة أنصار الشيخ حازم أبوإسماعيل لهم، ما دفعهم للاستعانة بسيارات أمن مركزي للمحافظة على القسم والدفاع عنه.
وقال أديب في برنامجه "القاهرة اليوم" على "أوربت"، "لما القسم يخاف، أمال احنا كشعب نعمل إيه؟". واستطرد "يعني إيه حد يحاصر القسم، ولما وزير الداخلية مش قايم بواجبه طيب ما تشيلوه، اعملوا أي حاجة يا جماعة، ده احنا كإعلاميين لما حاصروا مدينة الإنتاج، كنا قاعدين هنا بكل شجاعة وقوة ومخفناش"، متسائلا "إيه الرسالة اللي بيقلهالي القسم لما يخاف؟".
وأشار أديب إلى تصريحات عصام العريان القيادي الإخواني، حول تسليح أعضاء الحرية والعدالة لحماية مقراتهم، مضيفا "كلنا هنتسلح زي ما قال العريان وهنبقى زي أمريكا، وإحنا مش فقراء ولا غلابة وهنجيب ناس وسلاح".