هام لجميع عملاء البنك الاهلي المصري ..فضيحة البنك يوم 25 اكتوبر فقط كل سنة !

كعميل طبيعي اتصلت على خدمةالعملاء لكي أجري تحويل عبر خدمة الاهلي فون ! لكن لسبب ما تعذر التحويل ..
حولني البنك على ممثل خدمة العملاء الذي لم يجد أي بيانات لتحويلي أو لي شخصياً!
برر ذلك مسؤل خدمة العملاء بأن البنك يقوم يوم 25 أكتوبر كل سنة بعمل تحديث للبيانات لجميع العملاء وتوقف لجميع خدمات البنك الاليكترونية ..
بحسن نية ..طلبت منه ان يقوم بعمل التحويل بشكل يدوي حتي لا تقف مصالحي ! فقال ان ذلك ليس متاحاً له .. طلبت منه ان اجري شكوي ..فتحجج بأن نظام البنك جميعه ! واقف !
فسألته عما اذا كان بامكاني اجراء التحويل من الماكينة ..فأجابني ببساطة ..كل المكن واقف !!
قلت الراجل ده بيخلع بذوق ..نزلت لحد المكنة ..لقيتها واقفة ..الي جنبها واقفة .الى على بعد 300 متر واقفة !
إتصلت باحد اصدقائي والذي يعمل بمول شهير وطلبت منه تجربة شراء بفيزا البنك الاهلي ..فكانت النتيجة فشل العملية !
إذن ..لا انترنت ..لا تليفون ..لا ماكينات .. لا فيزا !
والمبرر ..النهاردة 25 اكتوبر !!!!
كيف لاكبر بنك فى مصر أن يوقف كل هذا الكم من الخدمات دون أن يقوم بإخطار العملاء بتلك العملية قبلها بفترة كافية ..فضلاً عن اخطارهم اصلاً
لم يخطر البنك أي احدا ولم يوضح ايا من العمليات او الاصلاحات التي سيجريها !
إذن ..انا لو كنت عامل حادثة وحيدخلوني عناية مركزة ..مش حعرف اجيب فلوس او الى حيلاقيني يجيبلي فلوس ...حتي اذا كانت المستشفي التي سأدخلها من مستشفيات اصحاب الذوات وعندهم فيزا ..فبرضه مش حعرف ادخلها ..اذن ..فقدت حياتي !
ماذا لو كانت مراتي مثلا بتولد وانا رحت فجأة المستشفي ..حدفع ازاي ؟؟
ماذا لو كانت عربيتي وقفت على السريع ومعييش فلوس كفاية وعاوز فلوس اديها لاي حد عشان يوصلني او يساعدني !
ماذا لو رحت كأبو عيال مع مراتي نشتري خزين الاسبوع من مول وجاي ادفع بالفيزا لقيته بيقلي مينفعش !
ماذا لو رحت بكل عوجان اغدي عيالي ف مطعم برا وجيت أدفع قالي مفيش !
ماذا لو كنت واعد حد اديله فلوسه الى ليه عندي وجاي اسحب من المكنة لقيت فش !
ماذا لو مفيش ف جيبي فلوس ونازل شغل ضروري ورايح اسحب من فلوسي ولقيت بح !
ماذا لو احتاجت فلوس باي طريقة بيحتاج الناس بيها فلوس..وخلصت بنزين عربيتي لف ع المكن ..وملقيتش ..انا راجل محظوظ اني عرفت من التليفون ..واحد غيري كان طلع بوزه وبرضه معرفش فى ايه !
لم يذكر البنك فى العقد ان البنك سوف يغلق يوم 25 اكتوبر من كل عام ..!
وبالطبع ..خسرنا البنك حياة ناس ..وشغل ناس ..واحرج ناس ..
كل هذا لأننا مشتركون ببنك مصري ..كل هذا لأننا بلد فى العالم الثالث !