اتغدى معانا : طرق عمل اكلات جديده ولذيذه - اكلات سهله وسريعه التحضير-اكلات روووعه تجنن-اكلات جامده وجميله جدا

الى كل اخواتى وحبايبى الحلوين النهارده اختكم وحبيبتكم داليا جيبالكم وصفات لذيذه ومفضله لدى المستهلك واليكم اجمل واطعم الوصفات بخطوات سهله جدا وبسيطه وطعمها رائع وجميل يارب تعجبكم
1-تشيكن كريسبى
2-شيش طاووق
3-فراخ بانيه
4-ستيك مشوى
5-اللحمه البارده
6-صدور الدجاج بالزعتر
الوصفه الأولى :تشيكن كريسبى
المكونات:-
فراخ قطع-ملح-فلفل-عصيرليمون-عصير بصل-خل-ثوم مفروم-كسبره ناشفه-دقيق-بيض-بقسماط
الطريقه:-
نعمل فتحات فى الفراخ تصل الى العظم علشان تستوى كويس ونتبل الفراخ بالملح والفلفل وعصير الليمون وعصير البصل والثوم والكسبره الناشفه والخل وتترك لمدة 16 ساعه فى الثلاجه ونغطى الفراخ بالدقيق ثم توضع فى البيض(به ملح وفلفل)ثم تغطى جيدا بالبقسماط(متبل بملح وفلفل وكمون وقرفه وزنجبيل وزعتر وشطه) وبعد ذلك تحمر فى زيت غزير وسخن ثم نهدى الحراره وتترك 20 دقيقه حتى تستوى جيدا
ملحوظه:لو الفراخ أستوت ومش كريسبى نعلى النار دقيقتين هتقرمش وتبقى جميله
-----------------------
الوصفه الثانيه:شيش طاووق
المكونات:-
طماطم مبشوره-صلصة طماطم-ثوم-زبادى-ملح-فلفل-كمون-زعتر-قرفه-زنجبيل-شطه-أوراك فراخ مكعبات-فلفل ألوان مكعبات-بصل مكعبات-طماطم مكعبات-زيت
الطريقه:-
نخلط كل المقادير مع بعض ماعدا مكعبات الفلفل والبصل والطماطم ونترك مكعبات الفراخ فى التتبيله 12 ساعه فى الثلاجه ونضع مكعبات الفراخ مع الفلفل والبصل والطماطم فى الاسياخ الخشبيه ثم نضعها على الشوايه(اللى مش عندها شوايه ممكن تستعمل طاسه تيفال سخنه ومدهونه بقليل من الزيت) ثم نضعها فى صينيه مدهونه بقليل من الزيت فى الفرن علشان تستوى كويس وطبعا دى أكله صحيه علشان اللى عاملين دايت
-------------------------
الوصفه الثالثه:الفراخ البانيه
المكونات:-
صدور فراخ رقيقه-ملح-فلفل-كمون-شطه-زنجبيل-قرفه-بصل-ثوم-طماطم-زبادى-بيض-بقسماط(متبل زى الوصفه الاولى)
الطريقه:-
نضع كل المكونات فى الخلاط ماعدا البيض والبقسماط ونتبل صدور الفراخ بالخليط السابق وتترك 12 ساعه فى الثلاجه ونضع الصدور فى البيض ثم تغطى بالبقسماط جيدا ثم تحمر فى زيت سخن
اللى عاملين دايت ممكن بعد ما تتبل تتشوى(زى الوصفه الثانيه)
-------------------------------الوصفه الرابعه:ستيك مشوى
المكونات:-
شرائح لحمه(مثل البوفتيك)-ملح-فلفل-ماء بصل-كاتشب
الطريقه
نتبل اللحمه بالملح والفلفل وماء البصل والكاتشب ونشوى اللحمه على شوايه مدهونه زيت
----------------------------
الوصفه الخامسه:اللحمه البارده
المكونات:-
عرق لحمه-5فصوص ثوم سليمه-ملح-فلفل-معلقه بهارات لحمه-2معلقه خل-2معلقه صويا صوص-حلقات جزر وبصل-معلقه زبده-ماء
الطريقه
نربط عرق اللحمه بالخيط ونعمل فتحات صغيره متفرقه ونضع الثوم فيها ونتبل اللحمه بالملح والفلفل والبهارات والخل والصويا صوص ونشوح اللحمه فى الزبده ثم نضع حلقات الجزر والبصل معها
ونضع كوب ماء ونغطيها بالفويل وتوضع فى الفرن ويتم اضافه الماء حسب الحاجه حتى تمام التسويه
---------------------------
الوصفه السادسه:- صدور الدجاج بالزعتر
المكونات
ثلاث قطع صدور دجاج مخلية من العظام ومقطعة -ست فصوص ثوم مفرية -ملعقة صغيرة ونصف من الزعتر -نصف ملعقة صغيرة من الملح -ربع كوب من عصير البرتقال - ملعقة كبيرة من الخل الأبيض -نصف كوب طماطم صغيرة الحجم مقطعة شرائح -ربع كوب زيتون مخلي من البذور -ربع كوب جبن أبيض مقطع إلى مكعبات - أوراق خس أو نعناع للتزيين
طريقة التحضير
أحضري وعاء، ضعي فيه قطع صدور الدجاج، الثوم المفري، الزعتر والملح وقلّبيها بيديك جيدا.
و أحضري قدرا متوسطة الحجم، ضعيها على النار في درجة حرارة متوسطة ثم ضعي فيها الدجاج، عصير البرتقال والخل.و ضعي غطاء على القدر واتركيه على النار لمدة من ساعتين إلى ثلاث ساعات ثم ارفعيها من على النار واتركيها حتى تبرد.و أحضري طبق التقديم، ضعي فيه الأوراق الخضراء، الزيتون المخلي والطماطم المقطعة ثم ضعي فوقها صدور الدجاج بدون الصوص وزيني الطبق بمكعبات الجبن الأبيض واستمتعي بوجبة صحية لذيذة ومفيدة.